ताजा समाचार

जय ट्रफी मेन्स एलिट कपको उपाधि पुलिसलाई

खेलकुद
-
       

काठमाडौं । नेपाल पुलिस क्लबले जय ट्रफी मेन्स एलिट कप प्रतियोगिताको उपाधि जितेको छ ।

फाइनलमा त्रिभुवन आर्मी क्लबलाई हराउँदै पुलिस क्लबले उपाधि जितेको हो । जितका लागि १ सय ३ रनको लक्ष्य पाएको आर्मी ७४ रनमै अल आउट भए सँगै प्रतियोगिताको उपाधि नेपाल पुलिसले हात पारेको हो ।

पुलिसको जितमा सागर ढकाल र ललित राजवंशीले कसिलो बलिङ प्रर्दशन गरेका थिए । पुलिसका लागि सागर ढकालले ६ तथा ललितनारायण राजवंशीले ४ विकेट लिए पछि आर्मी ७४ रनमै समेटिएको थियो ।

आर्मीका लागि इम्रान शेखले सर्वाधिक २८ रन जोड्दा कप्तान विनोद भण्डारी र सोमपाल कामीले समान ११ रन जोडे । आर्मीका अन्य खेलाडीले दोहोरो अंकमा रन बनाउन सकेनन् ।

पहिलो संस्करणको यस प्रतियोगितामा पिएम कप पुरुष क्रिकेटका शीर्ष ४ टोली सहभागी थिए । नेपाल पुलिस क्लब, त्रिभुवन आर्मी क्लब, मधेश प्रदेश र बागमती प्रदेशले पहिलो संस्करणको जय ट्रफी खेलेका थिए ।

Comments

प्रकाशित मिति : 2025-01-16

अरु समाचार

© NewsNepal 2018 - All Right Reserved.
newsnepal.com 2017.hlon.org