प्रधानमन्त्रीलाई डिजिटल बोर्डमा ‘केपी चोर देश छोड’ भनेर लेख्नेविरुद्ध छानबिन सुरु

breaking news

- कार्यालय प्रमुखलाई २४ घण्टे स्पष्टीकरण

काठमाडौं । नेपाल विद्युत् प्राधिकरण भरतपुर वितरण केन्द्रको डिजिटल बोर्डमा प्रधानमन्त्रीलाई ‘केपी चोर देश छोड’ भनेर लेख्नेविरुद्ध छानबिन सुरु भएको छ।

कार्यालयको डिजिटल बोर्डमा ‘केपी चोर देश छोड’ लेखिएपछि कार्यालय प्रमुखसहित कर्मचारी माथि छानबिन सुरु भएको हो । सोहि विषयलाई लिएर जिल्ला प्रशासन कार्यालय चितवनले प्रधानमन्त्रीविरुद्ध सरकारी कार्यालयकै बोर्डमा अपशब्द लेखिएको विषयमा कार्यालय प्रमुखलाई २४ घण्टे स्पष्टीकरण सोधेको छ ।

उक्त घटना सोमबार मध्यान्ह १२ बजेतिरको भएको बुझिएको छ । हिजोको दिउँसो १२ बजेतिर ह्याक भएर पाँच मिनेटजति प्रधानमन्त्रीविरुद्ध अपशब्द लेखिएको थियो ।तर कार्यालयले विज्ञप्ति निकालेर डिजिटल बोर्ड ह्याक भएको दाबी गरेको छ ।

प्रधानमन्त्री ओलीविरुद्धको नारा डिस्प्ले भएको घटनाबारे छानबिन हुनुपर्ने माग पनि कार्यालयले गरेको छ । साथै, कार्यालय प्रमुख वरिष्ठ इन्जिनियर रामु श्रेष्ठले आफूलाई फसाउन विद्युत कार्यालयभित्रकै कर्मचारीले नियोजित खेल खेलेको बताए । उनले गल्ती नहुँदा नहुँदै मलाई घानमा पारिएको छ।

डिस्प्ले बोर्डमा प्रधानमन्त्री ओलीविरुद्ध आपत्तिजनक शब्दहरू देखिएपछि मंगलबार एक समूहले कार्यालयमा प्रवेश गरी केन्द्र प्रमुखमाथि कुटपिट गरेको थियो । मंगलबार बिहान करिब १० बजे ३५–४० जनाको समूह कार्यालयमा प्रवेश गरी वितरण केन्द्रका प्रमुख श्रेष्ठलाई कार्यकक्षमै कुटपिट गरेको हो ।