प्रर्दशनकारीलाई उग्र बनाएर तिनकुनेबाट भागे पर्साइ र मिश्रसहित राजावादी नेताहरु

समाचार

काठमाडौं । राजावादीहरूले आयोजना गरेको कार्यक्रम भाँडिएपछि सभामा पुगेका राजावादी आन्दोलनका कमाण्डर दुर्गा पर्साइ, रवीन्द्र मिश्र लगायतका राजावादी नेताहरु कार्यकर्तालाई छाडेर तीनकुनेबाट भागेका छन् ।

राजसंस्था फर्काउने आन्दोलनका कमान्डर दुर्गा प्रसाई तीनकुने आएलगत्तै तनावको स्थिति सृजना भएको हो । पर्साइ आफैले गाडी चलाएर प्रदर्शनकारीहरू सहित सुरक्षा घेरा तोडेर तीनकुनेबाट बानेश्वरतर्फ जान लागेपछि अवस्था तनावग्रस्त बनेको थियो । सोहि अवस्थालाई नियन्त्रणमा लिन प्रहरीले अश्रुग्यास हानेको थियो ।

त्यसपछि प्रहरी र प्रदर्शनकारीबीच झडपको स्थिति बनेको हो । झडप शुरू भएर सभा विथोलिएपछि पूर्वराजावादी आन्दोलनका कमाण्डर दुर्गा पर्साइ, रविन्द्र मिश्र सहितका नेताहरु प्रर्दशन स्थलबाट भागेका हुन् ।

मिश्र ‘भ्रष्टाचारीलाई कीरा परोस्,’ भनेर लेखेको नीलो टिसर्ट लगाएर मिश्र सभास्थलमा पुगेका थिए । आन्दोलन हिंसात्मक बनेपछि लगायतका नेताहरू तीनकुनेबाट भागेका छन् ।