ताजा समाचार

राजावादी प्रर्दशनलाई अराजक बनाउन भुमिका खेल्ने मिश्र र राणालाई २४ घण्टाभित्र रिहा गर्न राप्रपाको अल्टिमेटम

समाचार
-
       

काठमाडौं । शुक्रबार तिनकुनेमा भएको राजतन्त्रवादी प्रर्दशनलाई हिंसात्मक र अराजक बनाउनमा मुख्य भूमिका खेलेका राप्रपाका उपाध्यक्ष रवीन्द्र मिश्र र महामन्त्री डा धवलशमशेर राणालाई २४ घण्टाभित्र रिहा गर्न राप्रपाले अल्टिमेटम दिएको छ।

शनिबार पार्टी केन्द्रीय कार्यलयमा बसेको कार्यसम्पादन समितिको बैठकले दुई नेतालगायतलाई २४ घण्टाभित्र रिहा गर्न अल्टिमेटम दिएको बैठकपछि अध्यक्ष राजेन्द्र लिङ्देनले जानकारी दिएका हुन्।

उनले २४ घण्टाभित्र रिहा नगरिए राप्रपाले देशभर विरोधका कार्यक्रमहरु गर्ने र त्यसलाई आन्दोलनका रुपमा उठाएर लैजाने निर्णय गरेको बताए।

राप्रपाले तीनकुनेमा राजावादीको प्रदर्शनका क्रममा भएको घटना सरकारकै कारणले निम्तिएको दाबीसमेत गरेको छ।

शुक्रबार तीनकुनेमा भएको प्रदर्शनमा हिंसा भड्काउन भूमिका खेलेको आरोपमा मिश्र र राणालगायतका पक्राउ परेका थिए।

Comments

प्रकाशित मिति : 2025-03-29

अरु समाचार

© NewsNepal 2018 - All Right Reserved.
newsnepal.com 2017.hlon.org