आफ्नो राजीनामा सम्बन्धमा के भन्छन् प्रधानमन्त्री ओली ?

राजनीति

काठमाडौं । प्रधानमन्त्री केपी शर्मा ओलीले आफ्नो राजीनामा बारे नयाँ कुरा खुलासा गरेका छन् । नेपाली कांग्रेससँगको गठबन्धनबाट प्रधानमन्त्री बनेका ओलीले पछिल्लो सयम यस विषयमा खुलेर अभिव्यक्ति दिने गरेका छन् ।

उनले आज पनि यस विषयमा प्रतिक्रिया दिएका छन् । उनले अब १४ महिनापछि आफूले प्रधानमन्त्रीबाट राजीनामा दिने घोषणा गरेका छन् ।

संसद भवन परिसरमा सञ्चारकर्मीहरूसँगको संवादमा प्रधानमन्त्री ओलीले आगामी १४ महिनापछि राजीनामा दिने र नेपाली काँग्रेसका सभापति शेरबहादुर देउवा प्रधानमन्त्री बन्ने जानकारी दिएका हुन् ।

उनले भने, “अब १४ महिनापछि मैले राजीनामा गर्छु, शेरबहादुरजी प्रधानमन्त्री बन्नुहुन्छ।” यसै बीच, माओवादी केन्द्रका अध्यक्ष पुष्पकमल दाहाल प्रचण्डले काँग्रेस सभापति देउवा थाइल्याण्ड भ्रमणबाट फर्किएपछि नयाँ सत्ता समीकरणबारे छलफल गर्ने बताएका थिए ।

यद्यपि, देउवाले शुक्रवार सञ्चारकर्मीहरूसँग भने गठबन्धन सरकार पूरा समय चल्ने प्रतिक्रिया दिए।