आफ्नै बोली भारि पर्यो थापालाई, सर्वोच्चमा अवहेलना मुद्धा दायर

breaking news

काठमाडौं । नेपाली कांग्रेसका महामन्त्री गगन थापाले दिएको अभिव्यक्तिलाई लिएर उनि विरुद्ध सर्वोच्च अदालतमा अदालतको अवहेलनामा निवेदन दर्ता भएको छ ।

सरकारले गरेको ५२ जनाको संवैधानिक नियुक्तिको विषयलाई लिएर थापाले दिएको अभिव्यक्तिले अदालतको अवहेलना गरेको भन्दै आइतबार उनिविरुद्ध मुद्धा दायर भएको हो । मुद्धा दायर गर्ने अधिवक्ताहरू विशाल थापा, अनन्तराज लुइँटेल र अभिमा उप्रेती लगायत अधिवक्तहरु रहेका छन् ।

महामन्त्री थापाले बिहीबार ५२ संवैधानिक नियुक्तिसम्बन्धी मुद्दामा सर्वोच्चले डिल गरिरहेको आशयसहितको अभिव्यक्ति दिएका थिए । लोकतन्त्र दिवसको अवसरमा आयोजित संवाद कार्यक्रममा उनले आयोगका पदाधिकारीहरूको कार्यकाल सकिन लाग्दा पनि मुद्दाको टुंगो नलगाई डिल गरेको भन्दै अदालतको विश्वसनीयतामा समेत प्रश्न गरेका थिए ।

उक्त निवेदनमाथि मंगलबार पेशी तोकिएको सर्वोच्च अदालतका प्रवक्ता अच्युत कुइँकेलले जानकारी दिए।