किरातीले ‘एयरपोर्ट बनाउनु टेम्पो चलाउनु जस्तो होइन’ भनेपछि !

सुदन किरातीसँग किन रिसाए हर्क साम्पाङ ?

Breaking News

- न्यूज नेपाल

काठमाडौं । पूर्वमन्त्री सुदन किरातीका प्रति धरान उपमहानगरपालिकाका मेयर हर्क साम्पाङ खनिएका छन्।

हर्क धरानमा बन्ने भनिएको एयरपोर्टको विषय झिकेर किराती प्रति सामाजिक सञ्जालबाटै खनिएका हुन्। उनले लेखेका ‘धरानमा एयरपोर्ट बनाउन असहयोग गर्ने पूर्वमन्त्री सुदन किरातीबाट धरानेले के आशा गर्नु ? ’

उनले निकै सम्झाएको, बुझाएको तर,‘एयरपोर्ट बनाउनु टेम्पो चलाउनु जस्तो होइन’ भनेर पन्छिएको हर्कले उल्लेख गरेका छन्। ‘निकै सम्झाएँ, बुझाएँ तर, टेम्पो चलाउनु जस्तो सजिलो छैन एयरपोर्ट बनाउनु भनेर तमाम टेम्पो चालकलाई समेत अपमान गर्ने पुँजीपति नेता,’ उनले लेखेका छन्।

हर्कले धरानमा एयरपोर्ट बनाउने भनेर सुदन पर्यटनमन्त्री हुँदा लबिइङ गरेका थिए। तर, एयरपोर्ट बन्न सकेन। यसपछि हर्क सुदनका प्रति खनिँदै आएका छन्।

सुदन अहिले धरानमै छन्। उनी अगुवा कार्यकर्ता भेटघाट गर्दैछन्। यहीबेला हर्क उनीप्रति खनिएका हुन्। उनले सुदनलाई जनता झुक्काउन आएको आरोपितसमेत गरेका छन्।