विश्व पाैडेल राष्ट्र बैंकको १८ औं गभर्नर नियुक्त, सरकार ढल्ने चर्चा हल्लामै सिमित

काठमाडाैं । सरकारले डा. विश्वनाथ पौडेललाई नेपाल राष्ट्र बैंकको १८ औं गभर्नर नियुक्त गरेको छ ।

मंगलवार बसेको मन्त्रीपरिषद्को बैठकले डा. पौडेललाई नेपाल राष्ट्र बैंकको गभर्नर नियुक्त गरेको हो । यसअघि उपप्रधानमन्त्री एवं अर्थमन्त्री विष्णुप्रसाद पौडेलको संयोजकत्वमा रहेको गभर्नर सिफारिस समितिले तीन जनाको नाम गभर्नरका लागि मन्त्रीपरिषद्मा सिफारिस गरेको थियो ।

जसमा डा. विश्वनाथ पौडेल, का.मु गभर्नर निलम ढुंगाना, डा. पूर्वसचिव दिनेश भट्टराई थिए । जसमध्येबाट पौडेललाई नियुक्त गरिएको सरकारका प्रवक्ता समेत रहेका सञ्चारमन्त्री पृथ्वीसुब्बा गुरुङले बताएका छन् ।

‘उपप्रधानमन्त्री एवं अर्थमन्त्री माननीय विष्णुप्रसाद पौडेको नेतृत्वमा बनेको तीन सदस्यीय सिफारिस समितिको सिफारिसका आधारमा तीन जना व्यक्तिहरु डा. विश्वनाथ पौडेल, का.मु गभर्नर निलम ढुंगाना, डा. दिनेश भट्टराई पूर्वसचिव तीन जना सिफारिस गरेकोमा डा. विश्वनाथ पौडेललाई नेपाल राष्ट्र बैंकको गभर्नर पदमा सिफारिस समितिले सिफारिस गरेको तीन जना मध्येबाट नियुक्त गर्ने निर्णय गरेको छ ।’, मन्त्री गुुरुङले भने ।

मन्त्री गुरुङले लामो प्रतिक्षपछि गभर्नरको विषय टुंगिएको दाबी समेत गरेका छन् ।

सरकार ढल्ने चर्चा हल्लामै सिमित

गभर्नर नियुक्तिको विषयलाई लिएर धेरैले सरकार ढल्ने जिकिर गर्दै आएका थिए । गभर्नर नियुक्तिमा प्रदानमन्त्री केपी ओलीले निहु खोजेको जस्ता समाचर सार्वजनिक भएपनि गभर्नर निुयक्तिसंगै गठबन्धनमा समस्या नरहेको प्रष्ट सन्देश प्रवाह भएको छ ।

कांग्रेस सभापति शेरबहादुर देउवाले नै एमालेसंगको गठबन्धन सहज ठानिरहेको बेला चलेका हल्लालाई सरकारले निस्तेज पारेको छ भने सरकारले आफ्नो गतिमा काम गर्ने सन्देश समेत दिएको छ ।

Comments