बालेन खुशी पार्न खोज्दा राजुको जागिर चैट, मकै पोल्नेको श्राप लागेको भन्दै खुच्चिङ !

काठमाडाैं । काठमाडाैं महानगरपालिकाका प्रहरी प्रमुख राजु पाण्डेमाथि निलम्बनको कारबाही शुरु भएपछि आमालाई जोडेर रोइकराई गर्न थालेका छन् ।

आफ्नो आमा ब्रेन ह्यामरेज भएर उपचाररत भएको बेला निलम्बन गरिएको भन्दै काठमाडाैं महानगरपालिकाका प्रमुख प्रशासकीय अधिकृत सरोज गुरागाईमाथि प्रहार गरेका राजुलाई सर्वसाधारणले भने खुच्चिङ भन्न थालेका छन् ।

राजुले मानवीय समवेदनाको कुरा गर्दै निलम्बनमा दुख पोखेपछि सर्वसाधारणले अहिले विभिन्न भिडियो सेयर गर्न थालेका छन् । एक महिलाले हातको स्टिल फेर्न १ लाख चाहिएको छ । म ठेलामा व्यापार गरेर यति गर्न चाहन्छु भन्दा राजुले धरपकड गरेको भिडियो सेयर गर्दै सर्वसाधारणले अहिले प्रश्न गरिरहेका छन् । त्यो बेला राजुले मानवियता देखाए भन्दै प्रतिप्रश्न गरिरहेका छन् ।

कानून कुल्चिदै महानगरका मेयर बालेन्द्र साह ‘बालेन’को पुच्छर बन्दै प्रहरी प्रमुख पद हत्याएका राजुले बाटोमा मकै पोल्नेहरुलाई प्रताडनामा राखेका थिए ।

मेयर बालेनको इशारामा जस्तोसुकै काम गर्न उद्दत राजुले योभन्दा पहिलेका प्रमुख प्रशासकीय अधिकृत बसन्त अधिकारीलाई समेत गाडीमा ह्वील लक गरेर तमासा गरेका थिए । यसरी महानगरमा सिंघम शैली अपनाउदै कर्मचारीमाथि जथाभावी गर्ने राजु अन्ततः निलम्बनमा परेका हुन् ।

नेपाल सरकारका सचिव समेत रहेका तत्कालीन महानगर प्रमुख लोकनाथ पाैडेललाई समेर राजुले अपशब्द बोल्दै उनलाई तँ नआइज भन्दै तुच्छ व्यवहार गरेको बताइन्छ ।

सडकमा मकै पोल्ने, ठेलागाढामा तरकारी बेचेर गुजारा चलाउनेदेखि पसलमा सुर्तिजन्य वस्तु राखेकामाथि एक्कासी पुगेर जफत नै गरिदिने गरेका राजुमाथि उनै पीडितहरुको श्राप लागेको भन्दै चर्चा चलिरहेको छ ।

महानगरका मेयर बालेनको नाम लिदै काठमाडाैंमा अशुली धन्दा नै चलाएका राजुको निलम्बनपछि उनीमाथि छानविन समेत चल्ने भनिएको छ । राजुले काठमाडाैंका विभिन्न क्षेत्रमा रहेका पार्किङ क्षेत्रमा समेत ठूलो अशुली चलाएको आरोप समेत लागिरहेको छ। उसोतः महानगरमा राजुसंगै भुपदेव शाह, सुनिल लम्साल, कुमार बेन लगायतका महानगरमा रहेका बालेनका स्वकियहरुमाथि समेत कारबाहीको चर्को माग भने उठिरहेको स्रोतको दाबी छ । उसतोः अख्तियारले समेत यी विषयमा अनुसन्धान गर्नुपर्ने आवाज उठिरहेको छ ।

उसोतः अख्तियारले महानगरमा भएका केहि भ्रष्टाचारका विषयमा भने विस्तृत अध्ययन गरिरहेको स्रोतको दाबी छ।

Comments