न्यायाधीशमाथिको दुर्व्यवहार दणडनीयः संवैधानिक कानून व्यवसायी मञ्च

breaking news

- न्यूज नेपाल

काठमाडाैं । उच्च अदालत जनकपुर, वीरगञ्ज इजलासका न्यायाधीश खुशीराम थारुमाथि भएको दुर्व्यवहारमाथि संवैधानिक कानून व्यवसायी मञ्चले विरोध जनाएको छ ।

मञ्चले एक विज्ञप्ति जारी गर्दै न्यायाधीशमाथि राजनीतिक आवरणमा भएको दुर्व्यवहार निन्दनीय मात्रै नभई प्रचलित कानूनबमोजिम दण्डनीय भएको जिकिर गरेको छ ।

‘राजनीतिक आवरणमा भएको यो अपराध निन्दनीय मात्र नभई प्रचलित कानुनबमोजिम दण्डनीय पनि छ,’ मञ्चले बिहीबार विज्ञप्ति प्रकाशित गर्दै भनेको छ, ‘विधिको शासन, शान्ति सुरक्षा तथा स्वतन्त्र न्यायपालिकाको खिल्ली उडाएको छ।’

‘सभ्य समाजका न्यूनतम मानकहरूसमेत भत्काउने हदसम्मको अपराध भएको हुँदा अक्षम्य रहेको,’ मञ्चको भनाइ छ।

अध्यक्ष ओमप्रकाश अर्यालद्वारा जारी विज्ञप्तिमा राजनीतिक आवरणमा अपराध भएको अवस्थामा राज्य संयन्त्रको साथै सम्बन्धित दल वा राजनीतिक समूहको संयन्त्रले पनि दोषीहरूलाई कारबाही गर्नुपर्ने भन्दै ‘अन्यथा, राजनीतिको अपराधीकरणको दुष्चक्रमा मुलुक फस्ने’ औँल्याइएको छ।

न्ययाधीशमाथि यस्ता आक्रमण हुने विषयलाई नियन्त्रण गर्न मञ्चले सरकारसंग माग राखेको छ भने न्यायाधीशको सुरक्षाको प्रत्याभूति दिलाउन समेत भनेको छ।

उच्च अदालत जनकपुरको वीरगन्ज इजलासका न्यायाधीश डा खुसीप्रसाद थारूमाथि नेकपा बहुमतका कार्यकर्ताले बिहीबार मोसो दलेका थिए।

न्यायाधीश थारूसहितको इजलासले गत १४ जेठमा कांग्रेस नेता अफताब आलमसहितलाई सफाइ दिने फैसला गरेको थियो । सोहि फैसलाको विरोध गर्दै मोसो दलिएको नेकपा बहुमतको दाबी छ । मोसो दल्ने तीनजनालाई प्रहरीले पक्राउ गरिसकेको छ ।