एस निकट विद्यार्थी सङ्गठन अनेरास्ववियूमा भाडभैलो….

राजनीति

- न्यूज नेपाल

काठमाडौं । नेकपा (एकीकृत समाजवादी) भित्र रामकुमारी झाक्रिले गरेको आफ्नै पार्टीका अध्यक्ष माधवकुमार लक्षित खरो टिप्पणी सेलाउन नपाउँदै भातृ संगठनमा भाडभैलो मच्चिएको छ ।

एस निकट विद्यार्थी सङ्गठन अनेरास्ववियूमा असन्तुष्ट पक्षले समानान्तर कमिटी घोषणा गरेसँगै भाडभैलो मच्चिएका हो ।

असन्तुष्ट पक्षमाले नरेश न्यौपाने अध्यक्ष र प्रकाश श्रेष्ठ महासचिव रहेको पदाधिकारीसहित नयाँ केन्द्रीय कमिटी घोषणा गरिएको छ ।

नवगठित कमिटीको आगामी साउन पहिलो साता केन्द्रीय कमिटीको पहिलो बैठक र असार २१ गते पदाधिकारी बैठक बस्ने अध्यक्ष न्यौपाने र महासचिव श्रेष्ठले सोमबार जारी गरेको सर्कुलरमा उल्लेख छ ।

पदाधिकारी बैठकले सबै पदाधिकारी र केन्द्रीय सदस्यहरूको कार्य विभाजन गर्ने अध्यक्ष न्यौपाने र महासचिव श्रेष्ठले सोमबार जारी गरेको सर्कुलरमा भनिएको छ ।

यसअघि गत माघमा महेश श्रेष्ठको नेतृत्वमा घोषणा भएको अनेरास्ववियूको नेतृत्वप्रति असहमति जनाउँदै न्यौपाने समूहले समानान्तर कमिटी गठन गरी घोषणा गरेको हो ।