गैरआवासीय नेपाली संघ राष्ट्रिय समन्वय परिषद् थाइल्यान्डको अधिवेशन तयारी तीव्र

काठमाडौं । गैरआवासीय नेपाली संघ राष्ट्रिय समन्वय परिषद् थाइल्यान्डको अधिवेशनको तयारी तीव्र पारिएको छ । यो अधिवेशन सफल बनाउन वर्तमान समन्वय परिषद्का अध्यक्ष, अन्य पदाधिकारी तथा सदस्यहरु र विभिन्न संघसंस्थाका अगुवाहरु लागि परेका छन् ।

यसैक्रममा समन्वय परिषद् थाइल्यान्डको अधिवेशन सफल पार्नका लागि भर्खरै एक निर्वाचन समिति गठन गरिएको छ । विभिन्न संघसंस्थाका प्रतिनिधिहरु, श्रमिक, व्यापारी, बुद्धिजीवीहरुको उपस्थितिमा परिषद् अध्यक्ष भविन्द्र वस्नेतको सभापतित्वमा वसेको बैठकले निर्वाचन समितिको संयोजकमा डा. उमेद कुमार पुन सेरपुन्जलाई चयन गरेको छ । यस्तै उक्त समितिको सदस्यहरुमा आशा पुन, भारती लिम्बुनी, जमिला कायस्ता र बेनी माधव लेखक चयन हुनु भएको छ ।

यही जुलाई २७ तारिखमा थाइल्यान्डको राजधानी बैंककस्थित पिकनिक होटेलमा अधिवेशन आयोजना गरिँदैछ । अधिवेशनबाट सन् २०२५–२०२७ कार्यकालको लागि नयाँ नेतृत्व चयन हुनेछ । वर्तमान अध्यक्ष भविन्द्र बस्नेतले दोस्रो कार्यकालमा पनि महत्वपूर्ण कार्य गर्दै जिम्मेवारी पूरा गर्नु भएको छ । बस्नेतले पहिलो कार्यकालमा एसिया प्यासेफिकको रिजनल कन्फ्रेन्स सफलतापूर्वक गर्न सफल हुनु भयो । यस्तै दोस्रो  कार्यकाल सम्हालेपछि उहाँले ग्लोबल युवा सम्मेलन गर्न सफल हुनु भयो । अध्यक्ष बस्नेत आगामी अधिवेशनबाट कोही सक्षम व्यक्तिलाई नेतृत्व सुम्पिनका लागि तम्तयार हुनुहुन्छ ।

थाइल्यान्डमा बसोबास गर्दै आएका नेपालीहरुले बस्नेतले अध्यक्षका रुपमा दुवै कार्यकालमा राम्रो काम गरेको र परिषद्लाई एकीकृतरुपमा अगाडि बढाउन सफल भएको प्रतिक्रिया दिएका छन् । परिषद्का वर्तमान अध्यक्ष बस्नेत एसिया प्यासिफिक रिजनल कोअर्डिनेटर पदको दाबेदार हुनुहुन्छ ।

यसैबीच नेपाली मूलका विदेशी नागरिक (पिएनओ) का अध्यक्ष कुमार कार्कीले परिषद्को यही जुलाई २७ तारिखमा हुने अधिवेशन सफल बनाउन विशेष सहयोग गर्ने प्रतिक्रिया दिनु भएको छ । कार्की गैरआवासीय नेपाली संघ राष्ट्रिय समन्वय परिषद् थाइल्याण्डका संरक्षक ÷विशेष सल्लाहकार पनि हुनुहुन्छ । समन्य परिषद्लाई विवादरहित र एकताको सगठन बनाउन कार्कीले विशेष समन्वय गर्दै आउनु भएको छ । आगामी अधिवेशनलाई सफल बनाउन पनि आफ्नो साथ सहयोग र भूमिका हुने उहाँको भनाइ छ ।

Comments