विव्यस अध्यक्षलाई कालोमोसो दल्न लगाएको अरोपमा एकजना पक्राउ

breaking news

- NEWS NEPAL

काठमाडौं । पोखराको छोरेपाटन माविका व्यवस्थापन समिति अध्यक्ष बद्रीनाथ पहारीलाई कालोमोसो दल्ने मुख्य योजनाकार सुजन विकलाई जिल्ला प्रहरी कार्यालय कास्कीले पक्राउ गरेको छ ।

नेकपा बहुमतका पोलिटब्युरो सदस्य तथा बहुमतनिकट युवा संगठनको केन्द्रीय अध्यक्षसमेत रहेका विकलाई पक्राउ गरी अभद्र व्यवहारमा मुद्दा अगाडि बढाइएको छ भने कालोमोसो दल्ने २ जनाविरुद्ध पनि पक्राउ पुर्जी जारी गरी प्रहरीले खोजिगरिरहेको छ ।

‘विककै योजना तथा निर्देशनमा विद्यालय व्यवस्थापन समिति अध्यक्षमाथि कालोमोसो दलिएको बुझिएको छ । विकलाई पक्राउ गरेर अभद्र मुद्दामा अनुसन्धान अगाडि बढाएको जिल्ला प्रहरीक कार्यलयका प्रमुख एसपी श्यामबाबु ओलियाले बताएका छन् ।

विकको यसअघिको मुद्दाको पनि अनुसन्धान भइरहको एसपी ओलियाले बताएका छन् । विक माओवादी केन्द्रबाट विभाजन भएको वैद्य समूह (मोहन वैद्य), विप्लप समूह (नेत्रविक्रम चन्द) हुँदै अहिले विप्लवबाट पनि विभाजन भएको नेकपा बहुमतमा आवद्ध भएका हुन् ।

समितिका अध्यक्ष पहारीलाई नेकपा बहुमतले कालोमोसो दलेको थियो । उनलाई नेकपा बहुमत निकट विद्यार्थी संगठन अखिल (क्रान्तिकारी)का नामबाट कालोमोसो दल्न लगाउने मुख्य योजनाकार विक रहेको प्रहरीको ठम्याई छ ।

https://www.facebook.com/share/v/1C4yULPwbD/