राष्ट्र बैंकले परिमार्जन गर्‍यो ‘लङ फर्म अडिट रिपोर्ट’को ढाँचा

breaking news

काठमाडाैं । नेपाल राष्ट्र बैंकले व्यावसायिक बैंकहरूका लागि जारी हुने ‘लङ फर्म अडिट रिपोर्ट’ सम्बन्धी निर्देशिकामा संशोधन गरेको छ। राष्ट्र बैंकले एकीकृत निर्देशन अद्यावधिक गर्दै बैंकहरूलाई नयाँ ढाँचामा लेखापरीक्षण प्रतिवेदन तयार पार्न परिपत्रमार्फत जानकारी गराएको हो।

संशोधित निर्देशिका अनुसार, अबदेखि बैंकहरूले विगतमा तयार पार्दै आएको रिपोर्टभन्दा फरक स्वरूपमा प्रतिवेदन पेश गर्नुपर्नेछ। यो नयाँ ढाँचा राष्ट्र बैंकले तय गरेको मापदण्डअनुसार तयार गर्नुपर्ने स्पष्ट उल्लेख गरिएको छ।

नयाँ प्रावधानअनुसार, लेखापरीक्षण प्रतिवेदनमा बैंकको सूचना प्रविधि (आईटी) तथा साइबर सुरक्षासम्बन्धी जोखिमबारे पनि राय समावेश गर्नुपर्नेछ। साथै, आन्तरिक नियन्त्रण प्रणालीका विविध पक्षहरू—जसमा कम्प्लायन्स फंक्शन, राष्ट्र बैंकको निरीक्षण प्रतिवेदन तथा डिजिटल बैंकिङको वर्तमान अवस्था—सम्बन्धी समिक्षात्मक राय पनि प्रतिवेदनमा उल्लेख गर्नु अनिवार्य हुनेछ।