थियान्चिनमा पुटिन र मोदीकाे याे तस्बिर चर्चामा !

राजनीति

- न्यूज नेपाल

काठमाडौं । साङ्घाई सहयोग सङ्गठन (एससीओ) शिखर सम्मेलनको क्रममा एउटा दृश्यले धेरैको ध्यान खिचेको छ ।

रूसका राष्ट्रपति भ्लादिमिर पुटिन र भारतीय प्रधानमन्त्री नरेन्द्र मोदी द्विपक्षीय बैठकका लागि एउटै कारमा यात्रा गरेको दृश्यले धेरैको ध्यान खिचेको हाे । बैठकअघि उनीहरूको एकै कारको यात्राले विश्व कूटनीतिक वृत्तमा चर्चा पाएको छ ।

यस क्षणलाई भारत–रूसबीच मजबुत हुँदै गएको मित्रता र आपसी विश्वासको प्रतीकका रुपमा व्याख्या गरिएको छ । दुवै नेता मुस्कुराउँदै एकै कारमा यात्रा गरेको विषयलाई अमेरिकाप्रति जवाफका रुपमा व्याख्या गरिएको छ ।

रसियालाई युद्धका लागि साथ दिन भारतले अर्बौ डलरको तेल किनिरहेको आरोप अमेरिकाले लगाउँदै आएको छ । भारतले तेल किन्न बन्द नगरेसम्म अझै ट्यारिफ थप्ने चेतावनी अमेरिकाले दिइरहेको छ ।

अमेरिकाले भारतमाथि २५ प्रतिशत ट्यारिफ र २५ प्रतिशत पेनाल्टीसहित ५० प्रतिशतको चर्को कर लगाएको अवस्थामा देखिएको यो दृश्य डोनाल्ड ट्रम्पलाई पनि बिझाउने देखिएको छ ।