ताजा समाचार

युनिटी कप शृंखलाको सर्वोत्कृष्ट खेलाडीकाे उपाधि कुशल भुर्तेललाई

समाचार
- न्यूज नेपाल
       

काठमाडौं । नेपाली क्रिकेट टोलीका ओपनिङ ब्याटर तथा पछिल्लो समयका अलराउन्डर कुशल भुर्तेल यूएईमा सम्पन्न युनिटी कप टी -२०आई शृंखलाको सर्वोत्कृष्ट खेलाडी घोषित भएका छन् ।

शृंखलाको अन्तिम खेलमा राम्रो ब्याटिङ तथा बाँकी खेलमा उत्कृष्ट बलिङ र फिल्डिङ गरेका भुर्तेलले ‘प्लेयर अफ द सिरिज’ अवार्ड पाएका हुन् ।

भुर्तेलले पहिलो खेलमा ६ रन, दोस्रो खेलमा २ रन बनाउँदा तेस्रो खेलमा ३९ रन बनाए । त्यस्तै पहिलो खेलमा २ विकेट लिए भने दोस्रो खेलमा ३ विकेट लिए ।

यसका अलावा भुर्तेल फिल्डिङमा पनि उत्कृष्ट देखिएका थिए । पहिलो खेल र दोस्रो खेलमा उनले उत्कृष्ट क्याचहरू लिएका थिए ।

नेपालले पहिलो र दोस्रो खेलमा लगातार जित निकालेर ऐतिहासिक शृंखला जित हात पारेको थियो । तेस्रो खेलमा भने वेस्ट इन्डिज पूर्णरूपमा हावी बन्यो ।

Comments

प्रकाशित मिति : 2025-10-01

अरु समाचार

© NewsNepal 2018 - All Right Reserved.
newsnepal.com 2017.hlon.org