संखुवासभामा टिपर दुर्घटना चालक र सहचालक सामान्य घाइते !

कोशी प्रदेश

- न्युज नेपाल

काठमाडौं । संखुवासभामा इँटा बोकेको टिपर दुर्घटना भएको छ।

जिल्लाकाे चैनपुर नगरपालीका–११, पुलडाँडा नजिकै लेगुवा–खाँदबारी सडक खण्डमा मधेश प्रदेश ०३–००१ क २९२६ नम्बरको टिपर लेगुवाबाट खाँदबारीतर्फ आउने क्रममा अनियन्त्रित भई सडकबाट करिब १० मिटर तल खसेको हो।

दुर्घटनामा टिपर चालक सिन्धुली नगरपालिका–१२ सिन्धुलीका ३० वर्षीय चुक्त बहादुर राउत र सहचालक भोजपुर, ट्यामकेमयु गाउँपालिका–९ का २८ वर्षीय रविन फुँयाल घाइते भएका छन्। स्थानीय र प्रहरीको सक्रियताले घाइतेहरूलाई तत्काल उद्धार गरी उपचारका लागि अस्पताल पुर्‍याइएको हो।

चालक राउतको शरीरका विभिन्न भागमा चोट लागेको र उनको अवस्था सामान्य रहेको प्रहरीले जनाएको छ। यस्तै, सहचालक फुँयालको टाउको र शरीरका विभिन्न भागमा चोट लागेको छ भने उनको अवस्था पनि मध्यम रहेको छ। दुवै घाइतेको हाल तुम्लिङटारस्थित मनकामना अस्पतालमा उपचार भइरहेको प्रहरीले जनाएको छ।

टिपर घटनास्थल अस्थायी प्रहरी पोष्ट सभाखोलाबाट करिब २ किलोमिटर दक्षिणमा पर्छ । दुर्घटनाको कारणबारे अनुसन्धान भइरहेको प्रहरीले जनाएको छ।