संवैधानिक अंगका पद छोड्न दबाब दिने समूहको अगुवाई सुमना श्रेष्ठले गरेको खुलासा

काठमाडौं । जेन जी वितण्डापछि मुलुकमा उत्पन्न तरल राजनीतिक परिस्थितिको फाइदा उठाउँदै स्वार्थको रोटी सेक्नेहरू विभिन्न रूपमा प्रकट भैरहँदा कतिपय कल्पनै नगरेका पात्रहरूको नाम आउन थालेको छ । जेन जी युवाहरूलाई अगाडि सारेर संवैधानिक अंगका पदाधिकारीहरूलाई पद छोड्न दबाब दिने एउटा समूहको अगुवाई पूर्वमन्त्री सुमना श्रेष्ठले गरेको पाइएको छ ।

विभिन्न समूहमा छरिएर रहेका युवाहरूले गठन गरेको ‘जेन–जी अलायन्स मुभमेन्ट’ले अख्तियार प्रमुख प्रेमकुमार राईलाई पद छोड्न दबाब दिँदै आएको छ । असोज २० गते उक्त समूहले प्रमुख आयुक्त प्रेमकुमार राईसहित सम्पूर्ण आयुक्तहरूको राजीनामा माग्दै अख्तियार कार्यालय घेराऊ गरेको थियो । अलाइन्सका तर्फबाट अख्तियारमा औपचारिक पत्रसमेत दर्ता गरिएको थियो । पत्रमा आयोगका प्रमुख र अन्य आयुक्तहरूको नियुक्ति केपी शर्मा ओली नेतृत्वको सरकारले संसदीय सुनुवाइविना गरेको र त्यसले आयोगको स्वतन्त्रता र निष्पक्षतामाथि प्रश्न उठेको भन्दै तत्काल स्वेच्छिक राजीनामा दिन आग्रह गरिएको छ । उक्त पत्र सुमनाको स्वकीय सचिव आकृति घिमिरेले सर्कुलेट गरेको तथ्य खुलेको हो ।

भदौ २४ गतेको विध्वंसपछि रास्वपा परित्याग गरेर आफूलाई जेन जी समर्थकको भूमिकामा उभ्याएकी सुमनाको स्वकीय सचिव आकृतिले आन्तरिक समन्वय र सम्पर्कका लागि बनाएको ‘प्रेस ग्रुप’ मा सोबारे आपसी सल्लाह भएको स्क्रिनसर्ट जनआस्थाले फेला पारेको छ । भदौ २४ गतेको विध्वंसपछि रास्वपा परित्याग गरेर आफूलाई जेन जी समर्थकको भूमिकामा उभ्याएकी सुमनाको स्वकीय सचिव आकृतिले आन्तरिक समन्वय र सम्पर्कका लागि बनाएको ‘प्रेस ग्रुप’ मा सोबारे आपसी सल्लाह भएको स्क्रिनसर्ट जनआस्थाले फेला पारेको छ ।जहाँ अख्तियार प्रमुख राईसहित आयुक्तहरूको राजीनामा माग गर्दै लेखेको पत्रबारे सर्कुलर गरिएको छ ।

ग्रुपमा लेखिएको छ, ‘विभिन्न जेन जी समूह र व्यक्तिहरू आवद्ध जेन जी मुभमेन्ट अलाइन्सले अख्तियार दुरुपयोग अनुसन्धान आयोगका प्रमुख आयुक्त माननीय प्रेमकुमार राईज्यू सहित सम्पूर्ण आयुक्तहरूको तत्काल स्वेच्छिक राजीनामा माग गरेको छ । यस विषयको प्रेस विज्ञप्ति र सम्पूर्ण दस्तावेज यहाँ उपलब्ध गराइएका छन् ।’ त्यसो त, अख्तियार प्रमुखको राजीनामा मागलाई जेन जीहरूले भ्रष्टाचारविरुद्धको कदमका रूपमा अर्थ्याएका छन् । तर, उनीहरूको त्यो भावनालाई बिचौलिया दीपक भट्ट र नक्कली जेन जी अर्जुनबहादुर शाहीहरू जस्ताले ‘धमिलो पानीमा माछा मार्ने’ र ‘मौकामा चौका हान्ने’ माध्यम बनाएको चर्चा भैरहँदा सुमनामाथि पनि शंका गर्नुपर्ने अवस्था बनेको छ । किनभने पूर्व शिक्षामन्त्रीसमेत रहेकी उनको विदेशी नागरिकताबारे अख्तियारमा उजुरी छ ।

सुमनाको विवाह पोल्यान्डका पत्रकार पाबल स्वाकिन्स्कीसँग भएको हो । उनले शिक्षामन्त्री भइसकेपछि आफ्नो सम्पत्ति विवरण सार्वजनिक गर्दा श्रीमानको विदेशी बैंक खातामा १ लाख ८९ हजार डलर ९करिब ३ करोड २२ लाख रुपैयाँ० र १ लाख ८० हजार पाउन्ड ९करिब ३ करोड ७ लाख रुपैयाँ० जम्मा रहेको उल्लेख गरेकी थिइन् ।नेपालको संविधानमा विदेशी पीआर भएको व्यक्तिले निर्वाचन लड्न, सरकारी नियुक्ति वा मनोनयन हुन नपाउने व्यवस्था छ ।

Comments