ब्रान्ड हाउससँग नेपाली एमएमए स्टार रबिन्द्र धान्त ब्रान्ड एम्बेसडरका रूपमा अनुबन्धित

काठमाडौं, नेपाल । काठमाडौंको दरबारमार्ग लगायतका स्थानमा स्टोरहरु रहेको अग्रणी मल्टि–ब्रान्ड लाइफस्टाइल स्टोर ब्रान्ड हाउसले प्रख्यात नेपाली व्यावसायिक मिक्स्ड मार्शल आर्ट्स (MMA) खेलाडी रबिन्द्र धान्तलाई आफ्नो आधिकारिक ब्रान्ड एम्बेसडरका रूपमा अनुबन्धित गरेको घोषणा गरेको छ।

यो साझेदारी ब्रान्ड हाउसका लागि खेलकुद, फिटनेस तथा स्वदेशी प्रतिभाको प्रवर्द्धनप्रति गरिएको प्रतिबद्धताको एक महत्वपूर्ण कदम हो।

सम्झौताअनुसार, ब्रान्ड हाउसले रबिन्द्र धान्तलाई कुल रु. १५ लाख पारिश्रमिक प्रदान गर्नेछ। यस सहकार्यको उद्देश्य युवाहरूलाई प्रेरित गर्नुका साथै खेलकुद र लाइफस्टाइल फेसनबीचको सम्बन्धलाई अझ सुदृढ बनाउनु हो।

सहकार्यबारे धारणा राख्दै ब्रान्ड हाउसले यस प्रायोजनको मुख्य उद्देश्य अन्तर्राष्ट्रिय मञ्चमा समर्पण, अनुशासन र कठोर परिश्रमका साथ राष्ट्रको प्रतिनिधित्व गरिरहेका नेपाली प्रतिभा, विशेषगरी खेलाडीहरूलाई समर्थन र प्रोत्साहन गर्नु रहेको जनाएको छ।

रबिन्द्र धान्तले पनि यस साझेदारीप्रति आभार व्यक्त गर्दै ब्रान्ड हाउसजस्ता प्रतिष्ठित ब्रान्डको साथले खेलाडीहरूलाई थप प्रेरणा दिने र नेपालमा कम्ब्याट स्पोर्ट्सको विकासमा महत्वपूर्ण भूमिका खेल्ने बताएका छन्।

Brandhouse को बारेमा

हाउस–अफ–ब्रान्ड्स (Brandhouse Nepal) युवामैत्री फेसन संस्कृतिलाई प्रेरित र सशक्त बनाउने उद्देश्यले स्थापना गरिएको हो। आत्म–अभिव्यक्तिको जोशलाई निरन्तर अघि बढाउँदै, हामी हाम्रो जनशक्ति र ब्रान्डहरूको माध्यमबाट खेलकुद र स्निकर समुदायको केन्द्रमा अतुलनीय अनुभवहरू सिर्जना गर्छौं।

ब्रान्डहाउस नेपालकै पहिलो मल्टि–ब्रान्ड स्टोर हो। यसका स्टोरहरू दरबारमार्ग, सिभिल मल, सिटी सेन्टर, कुमारीपाटी र पोखरामा अवस्थित छन्। यहाँ Adidas, Nike, Reebok, Asics, Under Armour लगायत अन्य अन्तर्राष्ट्रिय ब्रान्डका original उत्पादनहरू उपलब्ध छन्।ब्रान्डहाउसले सन् २०२६ मा casual मल्टि–ब्रान्ड स्टोर सुरु गर्न लागेको छ।

Comments