भ्रष्टाचार र घुसखोरीका लागि कार्यालय प्रमुख नै जिम्मेवार हुन्छ भन्ने मान्यता सहीः हरि भट्टराई

काठमाडौं । न्याय सेवामा कार्यरत हरि भट्टराईले प्रत्येक कार्यालयमा हुने भ्रष्टाचार र घुसखोरीका लागि कार्यालय प्रमुख नै जिम्मेवार हुन्छ भन्ने मान्यता सही भएको उल्लेख गरेका छन्। अख्तियार दुरुपयोग अनुसन्धान आयोगको ३५औँ स्थापना दिवसका अवसरमा बुधबार काठमाडौंमा आयोजित विशेष समारोहलाई सम्बोधन गर्दै प्रधानमन्त्री सुशीला कार्कीले भनेको विषयबस्तुमा केन्द्रित हुँदै न्याय सेवामा कार्यरत भट्टराईले यस्तो बताएका हुन् । हाल प्रधानमन्त्री तर विगतमा न्यायालयको नेतृत्वमा रहँदा पनि भ्रष्टाचार र घूसखोरी देखिएको भट्टराईले संकेत गरेका छन् ।

बुधबार साँझ सामाजिक सञ्जाल फेसबुकमा भट्टराई लेख्छन्, “प्रत्येक कार्यालयमा हुने भ्रष्टाचार र घुसखोरीका लागि कार्यालय प्रमुख नै जिम्मेवार हुन्छ” भन्ने मान्यता सही हो । त्यही मापदण्ड अनुसार उहाँ न्यायालयको नेतृत्वमा रहँदा संस्थाभित्र देखिएका विकृति–विसंगति, विवाद र अव्यवस्थाप्रति नैतिक तथा संस्थागत जिम्मेवारी नेतृत्वले नै लिनुपर्छ।”

आयोगको स्थापना दिवसका अवसरमा सम्बोधनका क्रममा प्रधानमन्त्री कार्कीले “भ्रष्टाचार नियन्त्रण गर्ने पहिलो जिम्मेवारी सरकारको नै हो, कार्यकारी अङ्गको नै हो । त्यसमा पनि प्रत्येक निकाय र कार्यालयका प्रमुखले नै आफ्नो संस्था र संरचनाभित्रको भ्रष्टाचार नियन्त्रणको जिम्मा लिनुपर्दछ र जवाफदेही पनि बन्नुपर्दछ ” भन्ने जनाएकी थिइन् ।

प्रधानमन्त्री कार्कीले भनेजस्तै मापदण्ड न्यायालयमा पनि लागू हुने भट्टराईले प्रष्ट पारेका छन्। त्यही मापदण्डअनुसार वर्तमान प्रधानमन्त्री कार्की तत्कालीन अवस्थामा न्यायालयको नेतृत्वमा रहँदा संस्थाभित्र देखिएका विकृति–विसंगति, विवाद र अव्यवस्थाप्रति नैतिक तथा संस्थागत जिम्मेवारी नेतृत्वले नै लिनुपर्ने थियो भन्ने संकेत गरेका छन् ।

पद केवल अधिकारको आसन मात्र नभई जवाफदेहिताको कठोर परीक्षा पनि भएको उल्लेख गर्दै शक्ति जति उच्च हुन्छ, उत्तरदायित्व त्यति नै गम्भीर हुनुपर्ने भट्टराईले बताएका छन्।

न्याय सेवामा कार्यरत हरि भट्टराईले सामाजिक सञ्जालमा लेखेको स्टाटस जस्ताको तस्तै:
“प्रत्येक कार्यालयमा हुने भ्रष्टाचार र घुसखोरीका लागि कार्यालय प्रमुख नै जिम्मेवार हुन्छ” भन्ने मान्यता सही हो । त्यही मापदण्ड अनुसार उहाँ न्यायालयको नेतृत्वमा रहँदा संस्थाभित्र देखिएका विकृति–विसंगति, विवाद र अव्यवस्थाप्रति नैतिक तथा संस्थागत जिम्मेवारी नेतृत्वले नै लिनुपर्छ। पद केवल अधिकारको आसन होइन, जवाफदेहिताको कठोर परीक्षा पनि हो। शक्ति जति उच्च हुन्छ, उत्तरदायित्व त्यति नै गम्भीर हुनुपर्छ।”

Comments