बिहीबार संवैधानिक परिषद्को बैठक बस्दै, प्रधानन्यायाधीश बन्न दुई जनाको विशेष दाैड

काठमाडाैं । बिहीबार संवैधानिक परिषद्को बैठक बस्ने तयारी तीब्र बनेको छ।

संवैधानिक परिषद्ले पूर्णता पाएपनि आफूअनुकुलको निर्णय गर्न अध्यादेश ल्याएको सरकारले तीन सदस्यबाट निर्णय गर्न सक्ने गरि अघि बढाएपछि बैठक बस्ने तयारी तीब्र पारिएको हो।

बिहीबार बस्ने संवैधानिक परिषद्को बैठकले प्रधानन्यायाधीशको उम्मेदवार सिफारिस गर्ने स्रोतको दाबी छ।

वरिष्ठतम् न्यायाधीश सपना प्रधान मल्ल, न्यायाधीशहरू कुमार रेग्मी, हरि फुँयाल, डा. मनोजकुमार शर्मा, डा. नहकुल सुवेदी र तिलप्रसाद श्रेष्ठको नाम सिफारिस यसअघि नै भइसकेको छ भने यीमध्येबाट परिषद्ले एकजनालाई प्रधानन्यायाधीशमा सिफारिस गर्नेछ।

स्रोतका अनुसार सुवेदीर श्रेष्ठले प्रधानन्यायाधीशमा सिफारिस हुनका लागि दाैडधुप बाक्लो बनाएका छन्। उनीहरु विभिन्न प्रकरणमा विवादास्पद छवीका भएपनि बालुवाटारदेखि बुढानिलकण्ठसम्म चहारीरहेको बताइन्छ।

रास्वपामा पनि सर्वोच्चमा बुढानिलकण्ठको विशेष चासो रहेको र यसमा आफ्नो मान्छे राख्न पाइए प्रधानमन्त्री वालेन्द्र शाहलाई अन्य काममा हस्तक्षेप नगर्ने गरि सहमति नै गर्ने गरि काम अघि बढढेको स्रोतले न्यूज नेपाललाई जानकारी दिएको छ। यद्यपी बिहीबारको संवैधानिक परिषद्को बैठक रोचक हुने दाबी गरिएको छ ।

नेपालको न्यायिक इतिहासमा वरिष्ठता मिचेर प्रधानन्यायाधीश बनाइएको देखिन्न। यसरी हुँदा वरिष्ठतम् न्यायाधीश समेत रहेकी कायममुकायम प्रधानन्यायाधीश सपना प्रधान मल्ल नै प्रधानन्यायाधीशमा सिफारिस हुनेछिन्। मल्ल शुशीला कार्कीपछि प्रधानन्यायाधीशका लागि दोश्रो पहिला प्रमुख हुने बाटोमा छिन् । तर, आफूअनुकुल निर्णय गर्ने सहजता प्राप्त गरेका वालेन्द्रले के गर्छन भन्ने चासो देखिन्छ

Comments