ताजा समाचार

जगदम्बाको पहिलो जित

खेलकुद
-
       

79272everest-premier-league

काठमाडौं, ११ असोज ।  जगदम्बा राइनोजले मंगलबार वाईवाई ईपीएल ट्वान्टी ट्वान्टीमा पहिलो जित आत्मसात् गरेको छ । यसका लागि उसले कान्तिपुर गोर्खाज्लाई ११ रनले हरायो । जितका लागि १ सय २५ रन पछ्याइरहेको कान्तिपुरले २० ओभरमा आठ विकेट गुमाएर १ सय १३ रन मात्र बनाउन सक्यो ।

नियमित अन्तरमा विकेट गुमाएको कान्तिपुरका लागि दुई ब्याट्सम्यानले मात्र दोहोरो अंक छुन सके । त्यसमा २८ रन बनाएका अनिल शाह र ४२ रन बनाएका सन्दीप झोरा रहे । सन्दीपले इनिङ्सको अन्त्यतिर आक्रामक ब्याटिङ गरे पनि त्यो पर्याप्त रहेन् । उनले २८ बलको सामना गरेर दुई चौका र दुई छक्का प्रहार गरे ।

जगदम्बाका सबै बलर प्रभावशाली रहे र विकेट लिन सफल रहे । यसअघि जगदम्बाले सोमपाल कामीको ४४ रनको मदतले २० ओभरमा ८ विकेट गुमाएर १ सय २५ रन बनायो । सोमपालले ३० बलको सामना गरे र चार छक्का प्रहार गरे । यस्तै सुवेन्दु पाण्डेले २१ रनको योगदान दिए ।

Comments

प्रकाशित मिति : 2016-09-27

अरु समाचार

© NewsNepal 2018 - All Right Reserved.
newsnepal.com 2017.hlon.org