समृद्धिको नारा जनताको दैलोदैलोमा पु¥याउन मोरङमा सक्षम नेतृत्वको खाँचो छ : विनोद ढकाल

अन्तर्वार्ता

३२ वर्ष अघि विद्यार्थी राजनीतिबाट अघि बढेका विनोद ढकाल अनेरास्ववियुको केन्द्रिय उपाध्यक्ष भएर देशभरका विद्यार्थीको हकहितमा बोल्दै आउनुभयो । मोरङ जिल्लामा एकपटक पार्टी अध्यक्ष समेत हुनु भएका ढकाल अहिले पुन अध्यक्षकै लागि चुनावी मैदानमा हुनुहुन्छ । ८ औं जिल्ला अधिवेशनको निर्वाचन २७ गतेदेखि हुनेछ । यसै सेरोफेरोमा ढकालसँग गरिएको कुराकानी :

कस्तो चल्दैछ प्रचारप्रसार ?

मुलत तः यो पार्टी भित्रको आन्तरिक चुनाव हो । प्रतिनिधी छनोट भएर आएका साथीहरुसँग भेटघाट गर्ने, टेलिफोनमा कुराकानी गर्ने र पार्टी भित्रका विविध पक्षका विषयमा कुराकानी गर्ने र राष्ट्रिय राजनीतिका विषयमा छलफल गर्ने जस्ता कृयाकलाप नै प्रचारप्रसारको आधार हो । अरु बाह्य शक्तिसँग लडेजस्तै यो चुनाव होइन, त्यसैले पनि भेटघाट र कुराकानी नै प्रचार प्रसारको माध्यम हो ।

कार्यकर्तामा कस्तो उत्साह देख्नुहुन्छ ?

अहिलेको राष्ट्रिय राजनीति एमालेको नेतृत्वमा छ । एमालेले राष्ट्रवादी अडान लिएर जनता माझ गइरहेको छ । देशभित्र र बाहिर मोर्चाबन्दी भइरहेका बेला कार्यकर्ताहरुले यसलाई फेस गर्नसक्ने नेतृत्व चाहेका छन् । खास गरेर पछिल्लो समयमा एमालेले आर्थिक समृद्धीको नारा सँगसँगै लगेका कारणपनि कार्यकर्तामा उत्साह छ । हाम्रो पार्टीका आदरणीय नेता केपी शर्मा ओली प्रधानमन्त्री भएका बेला आर्थिक समृद्धिको र विकासका बाटाहरु खोलिएका छन् । देश आर्थिक समृद्धितर्फ उन्मुख भएको छ । देशका सवै भागमा विकासलाई उत्तिकै प्राथमिकता दिइएको छ । अझ हामी यस क्षेत्रका जनतालाई विकासले झनै समेटेको छ । हुलाकी राजमार्ग निर्माण अभियान, मधेशका सदरमुकामका विकासलाई विशेष जोड, मधेशका गरिब–दुखीलाई बसोबासको व्यवस्थाका लागि घर निर्माण गरिदिने अभियानले मधेशका जनतापनि एमालेप्रति आकर्षित भएका छन् । यसर्थ सवैतिर उत्साह छ । यहि उत्साहको जगमा नेतृत्वका लागि साथीहरुले मलाई अगाडि सार्नुभएको छ ।

कार्यकताहरुले विनोद ढकाललाई नै रोज्नुपर्ने के कारण छ ?

हुन त : अघि मेलै भनिसके कार्यकतामा देखिएको उत्साहलाई जोगाउदै आम नागरिकमा समृद्धिको नारा पु¥याउन जिल्ला नेतृत्वको खाँचौ छ । अहिलेको एमालेको अडान र विचारलाई जनताका माझमा सशस्त रुपमा लैजान सक्ने नेतृत्व जनताले खोजेका छन् । जनताको भावना कार्यकतामार्फत प्रतिबिम्बित भएको छ । यहि भावनालाई आत्मसात गरेर नै मलाई साथीहरुले अघि सार्नु भएको हो । कार्यकर्ताहरुले पार्टीलाई एकबद्ध बनाउने नेतृत्व खोजेका छन् ।
अहिले जनताले पार्टीको दृष्टिकोण र विचारसँगै नेतासँग पहुँच पनि खोजेका हुन्छन् । बुझ्ने गरि भन्दा मर्दापर्दाको साथी पनि नेता बनुन् भन्ने चाहना कार्यकतामा हुन्छ ।

के यो कुरा तपाईमा पाउन सकिन्छ ?

म पार्टीको विचारलाई सशक्त रुपमा बोक्न सक्छु । हिजो विद्यार्थी राजनीतिबाट प्रशिक्षित भएर अनेरास्ववियुको नेतृत्वदायी भुमिकामा समेत रहेकाले पार्टीको नीति सिद्धान्तलाई राम्ररी बुझेर जनता माझ पु¥याउन निरन्तर ३२ वर्षदेखि क्रियाशिल छु । कुुरा जनता सँंगको पहुँचको रह्यो मलाई लाग्छ, सिंगो मोरङ एमाले पंक्तिका दुःख सुखमा पुगेको छु । चाहे त्यो अस्पतालको शैयामा छटपटाईरहेको कायकर्ता या तिनका आफन्त या उनीहरुको आफन्तमा परेका वियोगका पिडामा पनि म सहभागी हुदै आएको छु । हरेक कार्यकताले दु:ख परेर सम्झदा उनीहरु संगै रहने प्रयत्न गर्दै आएको छु । पार्टीको कुनै पनि सक्रिय पदमा रहदा या नरहँदा पनि जनताको घर दैलोमा पुगिरहेकै छु । पार्टीको मुल पंक्तिलाई आग्रह र पुर्वाग्रह बिना सहयोग गर्दै आएको छु । अहिले पनि जनताले चाहेको बेला मेरो उपस्थितीलाई प्रभावकारी बनाउने प्रयास जारी छ । यसकारण पनि मेरो सामिप्यता कार्यकता र जनतासँग उत्तिकै छ ।

अहिलेको परिस्थितीमा तपाईले जित्ने आधारहरु के के हुन् ?

हुन त अघि गरिएका कुराकानीबाटै मेरा जित का आधारहरु छर्लङ्ग भएका छन् । तथापी पार्टी संगठनको गतिशिलता र हरेक तहमा पार्टी पुग्ने कुरा महत्वपूर्ण हुने रहेछन् । मेलै मेरा गतिविधी मात्र होइन पार्टीका आम कार्यक्रम जनता सँग पु¥याएको थिए । त्यसो हुनाले पनि मेरा आधारहरु जिवित छन् । म विरुद्ध भित्र र बाहिर यदाकदा गरिने टिप्पणीहरु गलत सावित भएका छन् । पार्टीलाई चुस्त र दुरुस्त बनाउन र आम कार्यकताको भावना समेट्न सक्ने क्षमता म मा रहेको कार्यकर्ताले महसुस गरेका छन् । हामीले विगतको कामको समिक्षा गर्ने हो भनेपनि नेतृत्वले सहि ढंगले म्यानेज गरेको भए मोरङ क्षेत्र नम्बर ३ र ९ मा पनि चुनाव जित्थ्यौं । यो तथ्यले नेतृत्व कस्तो हुनुपर्छ भन्ने कार्यकर्ताले बुझेका छन् । पार्टीका विभिन्न कमिटीहरु एकबद्ध बनाउने सवालमा नेतृत्व चुकेको महशुष कार्यकर्ताले गरेका छन् । यसकारण पन िमेरो जित्ने आधारहरु बलियो भएको छ । अहिले आएका प्रतिनिधिहरुको छनौट र उत्साहले आधारहरु तयार भएका छन् ।

कतिपय अवस्थामा तपाईलाई विकृती विसङ्गतीलाई संरक्षण गरेको आरोप लाग्छ नी ?

३२ वर्षे राजनैतिक यात्रामा विनोद ढकाल खुल्ला किताब हो । राजनैतिक यात्रामा म सँग नजिक हुने र मलाई चिन्नेहरुले मेरो व्यवहार हेरेर म कस्तो हुँ भन्ने कुरा बुझ्छन् । नेकपा एमाले भनेको बर्खामा उर्लिएको खहरे खोला होइन, यो एउटा विशाल समुन्द्र हो । समुन्द्रभित्र अनेक थरी जिवहरु हुन्छन् । ति सबैका अस्तित्वलाई स्वीकार्नु पर्छ । समुन्द्र भित्र कहिले काँहि कुनै एउटा जिवले ठुलो हल्ला गरो वा टाउको हल्लायो भन्दैमा त्यसलाई मार्ने भन्दा त्यसको बाध्यता र परिस्थितीलाई बुझेर म्यानेज गर्नुपर्छ । पार्टीमा धेरै कार्यकताहरु छन् । सबै कार्यकताले नेतृत्वसँग संरक्षण खोजेका हुन्छन् । त्यो स्वभाविक हो कहिलेकाँही हामी सामान्य कुरालाई तिललाई पहाड बनाउने गछौँ । मेरो बुझाईमा मलाइ लाग्ने गरेको कतिपय आरोप पहाड हो । हामी अहिले यो कुरा उठाउनेहरुका आसेपासे र तिनका सहयोगी कस्ता छन् भनेर विचार गयौँ भने सबै कुरा छर्लङ हुन्छ । मैले कुनै विकृती र विसंगतीलाई संरक्षण गरेको छैन र गर्दिन पनि ।
तपाईसँग चुनावी प्रतिस्पर्धामा प्रतिद्धन्दीहरुको तर्फबाट पनि जित सुनिश्चित छ भनेर तंथ्याकहरु बाहिर आईरहेका छन् ।

तपाईका सहयोगीले पनि जितको तंथ्याक प्रस्तुत गरिरहेका छन् , यथार्थ के हो ?

तपाई पत्रकार मित्रले पक्कै पनि यी सबै कुरा बुझेको हुनुपर्छ । २७ गते पछि कुन तंथ्याक सहि कुन गलत हो भन्ने थाहा पाउनु हुनेछ ।

अन्त्यमा कार्यकतालाई के भन्न चाहनुहुन्छ ?

अहिलेको आवश्यकतालाई मुल्याङ्कन गर्नुस र पार्टीलाई एक ढिक्का बनाएर कसले अगाडि बढाउन सक्छ त्यो मनन गर्नुस् । फराकिलो छाति बनाएर पार्टीको नीति सिद्धान्तलाई जनता माझ पु¥याउन कसले सक्छ त्यो मुल्याङ्कन गर्नुस । अबको दुनियाँमा सङ्कीर्ण मानसिकताले अगाडि बढन सकिदैन् । अरु माथि गलत लाञ्छना लगाउनु पनि हुँदैन । म सबै विचारहरुको सम्मान गर्छु । सबैलाई समान रुपमा हेरेर अघि वढ्ने प्रण गर्छु । त्यसैले पनि कार्यकता र अग्रजहरुले म प्रति माया दर्शाउनु हुनेछ भन्ने अपेक्षा राखेको छु ।