मीरा राईलाई एड्भेन्चरर अफ द ईयरको उपाधि

समाचार

काठमाडौं, १४ माघ । नेपाली धाविका मीरा राईले साहसी व्यक्ति एड्भेन्चरर अफ द ईयरको उपाधि जितेकी छिन् । नेसनल जियोग्राफिकले सार्वजनिक गरेको प्रतिस्पर्धाको नतिजामा मिरा राईले सर्वाधिक मत प्राप्त गरेकी छिन् । प्रतिस्पर्धामा साहसिक खेल, अन्वेषण , संरक्षण र मानवीय क्षेत्रमा उत्कृष्ट काम गर्ने व्यक्तिको नाम छनौट गरिन्छ । छनौटमा परेका मध्ये नेसनल जियोग्राफिकको वेबसाईट मार्फत मतदान गर्ने व्यवस्था गरिएको थियो । पुर्व माओवादि लडाकु समेत रहेकी राईको भोजपुर स्थायी घर हो । सेना समायोजनका क्रममा अयोग्य ठहरिएकि थिईन् ।

नेसनल ज्योग्राफिकले राईसहित १० जनालाई मनोनयनमा पारेको थियो। बाह्र वर्षदेखि सञ्चालन हुँदै आएको यो प्रतिस्पर्धामा अन्वेषण, साहसिक खेल, संरक्षण तथा मानवीय क्षेत्रमा उत्कृष्ट काम गर्ने व्यक्तिहरूको नाम छनौट गरिन्छ। छनौटमा परेका व्यक्तिलाई नेसनल ज्योग्राफिकको वेबसाइटमार्फत् भोट हाल्न सकिने थियो। सर्वाधिक भोट ल्याउने राई यस वर्षको वर्षको साहसिक व्यक्ति भएकी हुन्।

भोजपुरकी मीरा किशोरी अवस्थामा माओवादी लडाकु बनेकी थिइन्। माओवादी शान्ति प्रक्रियामा आएपछि भएको सेना समायोजन क्रममा उनी अयोग्य ठहरिएकी थिइन्।

मीरा गत वर्ष फ्रान्समा सम्पन्न ८० किलोमिटरको विश्व म्याराथनमा पूर्व विजेतालाई पन्छाउँदै पहिलो भएकी थिइन्। उनी १२ घन्टा ३२ मिनेट १२ सेकेन्डमा उक्त दौड पूरा गर्दै पहिलोपटक विश्व च्याम्पियन बनेकी हुन्।

अल्ट्रा म्याराथनलाई खेलकुदको कुनै पनि उच्च निकाय र एथ्लेटिक संघले समेत बेवास्ता गर्दै आएको छ। खेलाडीले आफ्नै लगानी र विभिन्न व्यक्तिको सहारा लिनुपर्ने बाध्यता नेपाली खेलकुदमा छ। विश्व एथ्लेटिक महासंघले सम्बन्धित देशको एथ्लेटिक संघले नै अल्ट्रा म्याराथन व्यवस्थापन गर्नुपर्ने भने पनि नेपालमा हालसम्म यसतर्फ काम भएको छैन।

विगत दुई वर्षमा सफलता हात पार्दै मीरा केही समयअघि मात्र विश्वको दोस्रो स्थानमा उक्लेकी थिइन्। उनी हङकङमा ५० किलोमिटरको एसियन च्याम्पियन, सन् २०१४ मा इटालीमा ५७ र नर्वेमा ८० किलोमिटरको अल्ट्रा म्याराथन च्याम्पियन रहेकी छन्।