एमआरआरका सदस्यहरूद्वारा दानुफांटा कैलालीमा कम्बल वितरण

समाज

काठमाडौं । युएईमा रहेका एमआरआरका साथीहरूको पहलबाट रू २५,००० संकलन भई एमआरआरले शनिबार कैलाली जिल्ला कोटा तुल्सीपुर-१ दानुफांटा स्थित मुक्त कमैया बस्तीमा ३२ परिवारलाई कम्बल बितरण गरेको छ । सदस्य कृष्ण ढकाल बाट पनि रु १,५०० सहयोग प्राप्त भएको थियो । राजमार्गबाट करिब १० कि.मि.भित्र रहेको उक्त गाउँमा हालसम्म बिजुली नपुगेको र विद्यालय जानको लागि एउटै खोला पाँच पटक सम्म तरेर जानुपर्ने बाध्यता रहेछ । जसले गर्दा बालबालिकाहरू वर्षायाममा विद्यालय जानबाट बन्चित रहेछन् । सो गाउंमा अन्यत्र अध्ययनरत एकजना भाईले मात्र फेसबुक चलाउंदा रहेछन् । जसलाई एमआरआर समूहमा समावेश गरि भविष्यमा सकेको सहयोगको लागि समन्वय गर्ने गरि टोली फर्किएको छ । स्थानीय प्रतिनिधि रूपक जोशी र मनोरम जोशीले ठाउँ पहिल्याई समन्वय गर्नुभएको उक्त कार्यक्रममा आवश्यक कम्बल जुटाई समूहका एड्मिन बिक्रम के।सी। पुगेका थिए । एमआरआर लभ बैंकका स्वयंसेवी नेत्र राना, सुबोध बुढाथोकी, ईस्माम अन्सारी, सन्तोष कुमार थापा, शर्माजीको सहयोगले बेलैमा कार्यक्रम गर्न सकिएको धनगढिमा रहेका अर्का एड्मिन मनिष थापाले बताए ।

Comments

प्रकाशित मिति : 2017-01-27

एमआरआरका सदस्यहरूद्वारा दानुफांटा कैलालीमा कम्बल वितरण

Comments

अरु समाचार