फ्रिकिक गोलमा मेसीले बनाए कीर्तिमान

बार्सिलोनाको प्ले मेकर लियोनल मेसीले स्पेनिस लिगमा फ्रिकिकमा नयाँ कीर्तिमान स्थापित गरेका छन् । मेसीले रोनाल्ड कोएम्यानले राखेको सर्वाधिक फ्रिकिक गोल तोडेका हुन् । स्पेनिस लिगमा शनिबार राति मेसीले एथलेटिको विल्बाओेविरुद्ध फ्रिकिक गोल गर्दै रोनाल्डको रेकर्ड भंग गरे । मेसीले बार्सिलोनाका लागि २७ फ्रिकिक गोल गरेका छन् । रोनाल्डको नाममा २६ फ्रिकिक गोल थियो । यस सिजनमा मेसीले चारपटक फ्रिकिकबाट गोल गरेका छन् ।

रियलसँग दूरी घटाउँदै बार्सिलोना
बार्सिलोनाले लिगमा शीर्ष स्थानमा रहेको रियल म्याड्रिडसँग अंक दूरी घटाएको छ । विल्बाओमाथि ३–० को जित निकाल्दै बार्सिलोनाले रियलसँग अंक दूरी एकमा झारेको छ । रियलले १९ खेलबाट ४६ अंक जोडेको छ । बार्सिलोनाले २१ खेलबाट ४५ अंक बटुल्यो । सेभिल्लाले २१ खेलबाट ४३ अंक जोड्यो । अघिल्लो साता सेभिल्ला दोस्रो स्थानमा थियो । एथलेटिको म्याड्रिड ३९ अंकका साथ चौथो स्थानमा छ ।

पहिलो हाफमा दुई गोल
बार्सिलोनाले विल्बाओविरुद्ध मध्यान्तरअघि नै २–० को अग्रता लिएको थियो । मेसीले नै फ्रिकिक गोल गर्दै बार्सिलोनालाई १–० को अग्रता दिलाए । खेलको ४०औँ मिनेटमा पाको एकासेरले बार्सिलोनालाई २–० को स्थितिमा पु¥याए । यसै सिजन उनी भ्यालेन्सियाबाट २ करोड ७० लाख पाउन्डमा बार्सिलोनामा आबद्ध भएका थिए । बार्सिलोनाका लागि पहिलो डेब्यु गोल गर्दा उनी निकै खुसी देखिए । खेल सकिनुभन्दा २३ मिनेटअघि एलेक्स भिडालले बार्सिलोनालाई ३–० को बलियो स्थितिमा पु¥याए ।

सिजनकै सय गोल
मेसीले व्यक्तिगत रेडर्क बनाउँदा बार्सिलोनाले आइतबार अर्को कीर्तिमान पनि स्थापित गरेको छ । यस सिजनमा सयौँ गोल गर्ने बार्सिलोना युरोपकै पहिलो क्लब बनेको छ । स्पेनिस क्लब रियलले यस सिजनमा ९८ गोल गरेको छ ।

Comments