संसदमा केपी ओलीको सत्तापक्षलाई प्रश्न, ‘को-को उम्मेदवार हुँदा हराउन नपाइने हो ?’

राजनीति

काठमाडौं, २३ जेठ । नेकपा एमालेका अध्यक्ष केपी शर्मा ओलीले सत्तापक्ष चुनाव हार्न तयार नभएको आरोप लगाएका छन् । भरतपुर महानगरको वडानम्बर १९ को केही मतपत्र च्यातिएकोभरमा प्रयोजित रुपमा पुनः मतदानमा जाने निर्णय भएको भन्दै उनले यो डरलाग्दो र दुःखद भएको बताए । व्यवस्थापिका संसदको बैठकलाई सम्बोधन गर्दै अध्यक्ष ओलीले भने, ‘चुनावमा हारजित हुन्छ । तर, सत्तापक्ष केहीरकेही ठाउँमा हार्न तयार भएको छैन ।’

ओलीले अघि भने, ‘को को हुँदा हराउन नपाइने हो कमसेकम प्रतिपक्षलाई थाहा पाए माइन्ड मेकअप गर्न पाइन्थ्यो । नत्र परीणाम स्वीकार गर्नुपर्छ ।’ भरतपुरमा मतपत्र च्यात्नेलाई तत्काल प्रहरीले नियन्त्रणमा लिँदा पनि कब्जा भन्नु अनौठो भएको बताए । उनले संसदमा प्रश्न गरे, ‘निर्वाचन अधिकृत कब्जामा थियो ? प्रहरी प्रमुख कब्जामा थियो ? उम्मेदवार कब्जामा थियो ?’

निर्वाचन अधिकृतले मतगणनास्थल रणभूमितुल्य भएको र मतगणना सहज रुपमा गर्न नसक्ने अवस्था भएको रिपोर्ट पठाएको भन्दै उनले भने, ‘निर्वाचन आयोगले त्यस गोलमटोल रिपोर्टलाई विश्वास गरेन र अनुगमन टोली पठायो ।’ मतपत्र च्यात्नेहरुलाई खादा लगाएर सम्मान गरिएको बताए । लोकतन्त्रमा मतपत्र च्यात्नेलाई कारबाही गर्नुपर्ने ठाउँमा पुरस्कृत गरिने गरेको बताए ।

Comments

प्रकाशित मिति : 2017-06-06

संसदमा केपी ओलीको सत्तापक्षलाई प्रश्न, ‘को-को उम्मेदवार हुँदा हराउन नपाइने हो ?’

Comments

अरु समाचार