ताजा समाचार

यमनमा हैजाका कारण मृत्यु हुनेको संख्या ७९८ पुग्यो, अझै १ लाख प्रभावित

विश्व प्रवास
-
       

काठमाडौं, २८ जेठ । यमनमा हैजाका कारण मृत्यु हुनेको संख्या ७ सय ९८ पुगेको छ । महामारीको रुपमा फैलिएको हैजाका कारण मृत्यु हुनेको संख्या अझै बढ्ने देखिएको छ । गत अप्रिल २७ यता यमनमा हैजाका कारण ७ सय ९८ जनाको मृत्यु भएको विश्व स्वास्थ्य संगठनले जनाएको छ ।

गम्भीर प्रकृतिको महामारीका कारण अहिलेसम्म एक लाखभन्दा बढी प्रभावित भएको संगठनले जनाएको छ । यमनका २२ मध्ये १९ प्रान्तमा महामारी फैलिएको छ । यमनका हैजाका कारण पछिल्लो समय प्रत्येक घण्टा कम्तिमा एक जनाको ज्यान जाने गरेको छ ।

दुई वर्षदेखि सरकारी सेना र हुथी बिद्रोहीबीच भइरहेको युद्धका कारण यमनको स्वास्थ्य, खानेपानी तथा सरसफाइ व्यवस्था पूर्णरुपले ध्वस्त भएको छ । हैजाबाट प्रभावित हुनेमा बढी बालबालिका रहेको र उनीको अवस्था निकै दयनीय बन्दै गएको संयुक्त राष्ट्र संघले जनाएको छ । एजेन्सी

Comments

प्रकाशित मिति : 2017-06-11

अरु समाचार

© NewsNepal 2018 - All Right Reserved.
newsnepal.com 2017.hlon.org