ब्राजिलियन महिला नेतृको बिहेमा बामपन्थी प्रदर्शनकारीद्धारा अण्डा आक्रमण

विश्व प्रवास

काठमाडौं, १ साउन । ब्राजिलकी एक महिला नेतृको विवाह समारोहमा अण्डा आक्रमण भएको छ । २५ वर्षीया मारिया भिक्टोरियाको बिबाह समारोहमा बामपन्थी प्रदर्शनकारीले अण्डा आक्रमण गरेको आरोप लागेको छ । ब्राजिलको पाराना प्रान्तकी राज्य सभा सदस्य रहेकी भिक्टोरियाका पिता ब्राजिली राष्ट्रपति माइकल टेमेरको सरकारमा स्वास्थ्यमन्त्री छन् ।

राष्ट्रपतिलाई उनको परिवारले गरेको समर्थनका कारण बामपन्थी प्रदर्शनकारीले उनको विवाहका क्रममा अवरोधको प्रयार गरेको मारियाको दावी । शुक्रबार जिस चर्चमा मारियाको विवाह भइरहँदा चर्च बाहिर सयौंको संख्यामा प्रदर्शनकारी जम्मा भएका थिए ।
प्रदर्शनकारीले त्यहाँ अण्डाले आक्रमण गरेका थिए, जसका कारण मारियालाई सुरक्षाकर्मीको बंकरमा राखेर बाहिर पठाइएको थियो ।

मारियाको विवाहमा उनका पिता रिकार्डो ब्यारोेस, पाराना राज्यको उप गभर्नर रहिसकेकी उनकी आमा लगायत ब्राजिली राजनीतिका थुप्रै हस्तीहरुको उपस्थिति थियो । यस विवाहका लागि ब्राजिली कांग्रेसका कम्तिमा ३० सदस्य पारानाको राजधानी क्युरिटिवा आउने बताइएको थियो ।

प्रदर्शनकारीले त्यहाँ सरकारबिरोधी नारा लगाएका थिए मारियालाई सरकारको फेरवदलमा सहयोगी भूमिका खेलेको आरोप पनि प्रदर्शनकारीले लगाएका थिए । नव दम्पती र उनका पाहुनाहरुलाई सुरक्षित स्थानमा लानका लागि अन्तिममा दंगा नियन्त्रण पुलिसलाई बोलाइएको थियो ।

पारानाको गभर्नरका लागि मारियाकी आमा सिडा बोरगेटीले हालै चुनाव लड्ने घोषणा गरेकी छन् र यसका लागि उनलाई बामपन्थी पार्टी र युनियनले फण्ड दिएका छन् । मारियाको दावी यो छ कि प्रदर्शन यसै कारणले भएको थियो । साथै उनले भनिन्, ‘यो लोकतन्त्रको मान्यता हो ।’