२४ घण्टामै सचिव सरुवाको निर्णय फेरियो, लोकसेवा आयोग सचिव विहिन

प्रदेश

काठमाडौं, ८ कात्तिक । सचिवहरुको सरुवा गरेको २४ घण्टा नबित्दै निर्णय फेरिएको छ । सोमवार बसेको मन्त्रिपरिषद बैठकले सचिवहरूको सरुवा गरेको थियो । तर २४ घण्टामै फेरि तिनै सचिवहरूको कार्यक्षेत्र हेरफेर गरिएको हो ।

सरकारले लोकसेवा आयोगसँग परामर्श नगरी सचिव सरुवा गरेको भन्दै आयोगले असन्तुष्टि जनाएपछि सचिव सरुवाको निर्णय हेरफेर गरिएको प्रधानमन्त्री तथा मन्त्रीपरिषद्को कार्यालयले जनाएको छ । प्रधानमन्त्री कार्यालयबाट लोकसेवा आयोगमा सरुवा भएका सचिव ङइन्द्रप्रसाद उपाध्यायलाई लोकसेवाले मन पराउन सकेन् । ।

लोक सेवाले उपाध्यायलाई मन नपराएपछि सरकारले महिला, बालबालिका तथा समाजकल्याण मन्त्रालयमा पुर्याएको छ । प्रधानमन्त्री कार्यालयबाट डेढ महिना अघि मात्रै महिला तथा बालबालिका कार्यालयमा पुगेका उनलाई फेरि फर्काएर प्रधानमन्त्री कार्यालयमा ल्याइएको छ । लोकसेवा आयोग चाहिँ सचिव विहिन भएको छ । लोकसेवा आयोगमा रहेका मधुप्रसाद रेग्मीलाई पनि सरुवा गरिएपछि लोकसेवा आयोग सचिव विहीन भएको छ । रेग्मी शिक्षा मन्त्रालयमा पुगेका छन् ।

सूचना आयोगकी यामकुमारी खतिवडा उद्योग मन्त्रालय पुगेकी छन् भने सामान्यबाट गृहमा पुगेका मोहनकृष्ण सापकोटाको पदस्थापन चाहिँ सोही ठाउँमै भएको छ ।

प्रधानमन्त्री कार्यालयमा रहेका केदारबहादुर अधिकारीलाई सञ्चार मन्त्रालयमा लगिएको छ । सञ्चार मन्त्रालयका सचिव महेन्द्रमान गुरुङ चाहिँ प्रधानमन्त्री कार्यालयमा आएका छन् । प्रधानमन्त्री कार्यालयका अर्का सचिव रामकुमार आचार्य महालेखा नियन्त्रकको कार्यालयमा गएका छन् ।