किमलाई ट्रम्पले भने, ‘मसँग तिम्रोभन्दा ठूलो र शक्तिशाली परमाणुको स्वीच छ’

विश्व प्रवास

काठमाडौं, १९ पुस । अमेरिकी राष्ट्रपति डोनाल्ड ट्रम्पले उत्तर कोरियाका नेता किम जोङ–उनलाई कडा प्रतिक्रिया दिएका छन् । किम जोङले आफ्नो टेवुलमा अमेरिका ध्वस्त पार्ने परमाणुक बमको स्वीच रहेको चेतावनी दिएपछि ट्रम्पले त्यसको जवाफ दिएका हुन् ।

ट्रम्पले आफूसँग ठूलो र शक्तिशाली परमाणु परीक्षणको स्वीच रहेको बताए । नेता किमले परमाणु परीक्षणको स्वीच जहिले पनि आफ्नो नियन्त्रणमा रहने भएकाले अमेरिकाले युद्धको सुरुवात गर्न नसक्ने र पूरै अमेरिका आफ्नो देशको परमाणु आक्रमणको दायरामा रहेको भन्दै चेतावनी दिएका थिए ।

अमेरिकी राष्ट्रपति ट्रम्पले उत्तर कोरियाका नेता किमको भनाईको जवाफ बुधबार ट्वीट मार्फत दिएका हुन् । उनले ट्वीट मार्फत किमसँग भएको भन्दा ठूलो र शक्तिशाली परमाणु बटन आफूसँग रहेको भन्दै उत्तर कोरियालाई चेतावनी दिएका हुन् ।

ट्रम्पले पछिल्लो समय व्यक्तिगत तथा देशलाई निशाना बनाएर ट्वीट गर्ने गरेका छन् । पाकिस्तान, प्यालेस्टाइन र अहिले आएर उत्तर कोरियाका नेतालाई लक्षित गरी ट्वीट गरेका हुन् । ट्रम्पले चेतावनी दिए पनि धेरै राष्ट्रपतिले ट्वीटमा दिने गरेका चेतावनी र समेट्ने गरेका विषयवस्तुका बारेमा असन्तुष्टि जनाएका छन् ।

विश्वका नेताले परमाणु हतियारलाई निकै हलुका रुपमा लिएको भन्दै धेरैले आलोचना गरेका छन् । तर ट्रम्पका समर्थक भने उनको पक्षमा उभिएका छन् ।

http://news-nepal.com/720342-2/