चर्कीयो आन्दोलः दलका नेतालाई जिल्लामा प्रबेश निशेध, क्षेत्रीय प्रशासन कार्यालय धनकुटामा आगजनी

समाचार

- प्रदर्शनकारी र प्रहरीको झडपपछि अनिश्चितकालीन कर्फ्यू आदेश

काठमाडौं । प्रदेश राजधानीको विरोधमा देशका विभिन्न ठाउँमा प्रदर्शन हुँदा जनजिवन प्रभावित बनेको छ । प्रदेश नम्बर १ को राजधानी धनकुटा बनाउन माग गर्दै त्यहाँ स्थित क्षेत्रीय प्रशासन कार्यालयमा आगजनी समेत गरिएको छ । प्रदेश नं १ को राजधानी धनकुटा बनाइनु पर्ने मागसहित प्रदर्शनमा उत्रिएकाहरुले धनकुटामा रहेको क्षेत्रीय प्रशासन कार्यालयमा आगजनी गरेका हुन् ।

प्रदर्शनकारीले आज बिहान १० बजे प्रशासन कार्यालयमा आगजनी गरेकोे प्रहरी जानकारी दिएको छ । जिल्ला प्रहरी कार्यालय, धनकुटाका अनुसार आगजनीबाट कार्यालयको दुई थान कम्प्यूटर, प्रिन्टर लगायतका सामग्री जलेर नष्ट भएका छन् ।

प्रदर्शनकारीले कार्यालयको झ्याल ढोका समेत तोडफोड गरेका थिए । आगजनीबाट हेल्लो सरकारको कोठा जलेर नष्ट भएको धनकुटा प्रहरीको सञ्चार शाखाले जनाएको छ ।

प्रदर्शनकै क्रममा प्रदर्शनकारी प्रहरीबीच भएको झडपमा ३ जना घाइते भएका छन् । स्थितिलाई नियन्त्रणमा लिन प्रहरीले दर्जनौं सेल अश्रुग्यास प्रहार गरेको छ भने लाठी चार्ज समेत गरेको छ ।
काठमाडौं । धनकुटामा अनिश्चितकालीन कर्फ्यू आदेश जारी गरिएको छ । प्रदेश नं. १ को राजधानी धनकुटा हुनु पर्ने मागसहित सुरु भएको आन्दोलनले बिहीबार उग्र रुप लिएपछि अनिश्चितकालिन कर्फ्यू आदेश जारी गरिएको हो ।

यसैबीच प्रदेश नम्बर ५ को राजधानी दाङ हुनुपर्ने भन्दै चर्किएको आन्दोलनले समेत उग्ररुप लिन थालेको त्यहाँबाट पत्रकारहरुले जानकारी दिएका छन । जिल्लामा अस्पताल बाहीकका अरु कुनै पसल नखुलेको बताइएको छ । एम्बुलेन्सलाई अबरोध गरेको स्थानियले बताएका छन । सामाजिक सञ्जालमा ब्यापक रुपमा प्रदेश राजधानीको विरोध भईरहेको छ । दाङमा दलका नेता तथा कार्यकर्तालाई प्रबेश निशेध गरीएको संघर्ष समितिका सविन प्रियासनले बताएका छन ।