निर्वाचन सुरक्षा समितिको बैठक सम्पन्न

काठमाण्डौ २२ फागुन । राष्ट्रपतिको निर्वाचन सञ्चालन र व्यवस्थापनको तयारीका लागि आज बसेको  निर्वाचन आयोगमा उच्चस्तरीय निर्वाचन सुरक्षा समितिको बैठक सम्पन्न भएको छ ।
सो बैठक उच्चस्तरीय निर्वाचन सुरक्षा समितिका संयोजक माननीय निर्वाचन आयुक्त सुधीर कुमार शाहज्यूको संयोजकत्वमा बसेको प्रेस विज्ञप्ति मार्फत जनाएको छ ।
उक्त बैठकमा माननीय प्रमुख निर्वाचन आयुक्त डा. अयोधीप्रसाद यादवज्यूको उपस्थिति समेत रहेको थियो ।

बैठकमा माननीय प्रमुख निर्वाचन आयुक्तज्यूले स्थानीय तह, प्रतिनिधि सभा सदस्य तथा प्रदेश सभा सदस्य निर्वाचन र राष्ट्रिय सभा सदस्य निर्वाचनलाई स्वच्छ, स्वतन्त्र र मर्यादित रुपले सम्पन्न गर्न सुरक्षा निकायले पु¥याएको योगदान प्रति धन्यवाद दिँदै आगामी राष्ट्रपतिको निर्वाचनमा पनि चुस्त दुरुस्त ढङ्गले सुरक्षा व्यवस्था मिलाउन निर्देशन दिनु भएको छ ।

समितिका संयोजक माननीय निर्वाचन आयुक्त सुधीर कुमार शाहज्यूले शान्तिपूर्ण र मर्यादित रुपमा निर्वाचन सम्पन्न गर्न सुरक्षा निकायको महत्वपूर्ण भूमिका हुने बताउँदै राष्ट्रपतिको निर्वाचनमा पनि सुरक्षा निकायले त्रुटीरहित ढङ्गले निर्वाचनका सबै प्रक्रियामा सुरक्षा प्रदान गर्ने विश्वास व्यक्त गर्नुभयो । त्यस्तै गरी गृह मन्त्रालयका सचिव लगायतका सुरक्षा निकायका प्रतिनिधिहरुले आयोगको निर्देशन बमोजिम शान्तिपूर्ण रुपमा स्वच्छ, स्वतन्त्र र निष्पक्ष निर्वाचन सम्पन्न गर्ने प्रतिवद्धता व्यक्त भएको छ ।

बैठकमा माननीय निर्वाचन आयुक्तज्यूहरु इला शर्मा, नरेन्द्र दाहाल, ईश्वरी प्रसाद पौड्याल, गृह सचिव मोहनकृष्ण सापकोटा, निर्वाचन आयोगका सचिव वेगेन्द्रराज शर्मा पौड्याल, रक्षा मन्त्रालयका सचिव विनोद के.सी. एवं सुरक्षा निकायका प्रमुख एवं प्रतिनिधि तथा आयोगका उच्च पदस्थ पदाधिकारीहरुको उपस्थिति रहेको निर्वाचन आयोगले जनाएको छ ।

Comments