गाउँपालिकाले रकम निकासा नगर्दा प्राथमिक तहका विद्यार्थीले पुस्तक पाएनन्

समाचार

हुम्ला २३ फागुन । हुम्लामा गाउँपालिकाको कार्यालयलले रकम निकासा नगर्दा प्राथमिक तहको कक्षा १ देखी ५ सम्मका पाठ्यपुस्तक किन्न समस्या भएको छ ।

पौष महिनामा नै हरेक विद्यालयको खातामा पाठ्यपुस्तकको रकम निकासा गर्नु पर्नेमा मध्य फागुनसम्म पनि रकम निकासा नुहँदा यस्तो समस्या भएको हो ।

सरकारले प्राथमिक तहको पाठ्यपुस्तक विद्यालयले खरिद गरी निःशूल्क वितरण गर्ने प्रावधान भएता पनि हाल बालबालिकाहरुले पुस्तक पाउन सकिरहेका छैनन् । नयाँ शैक्षिक शत्र सुरु भएको १ हप्ता बढी वित्यो । तर, विद्यार्थीले पाठ्यपुस्तक सहज रुपमा पाउन सकिरहेका छैनन् । हुम्लालगायत कर्णालीका जिल्लामा मंसिरमा शैक्षिक सत्र अन्त्य हुने र फागुनबाट सुरु हुनुपर्नेमा हाल विद्यालय खुलेता पनि विद्यार्थीले पाठ्पुस्तक नपाउँदा पठन–पाठनमाका लागि असहजता भएको हो ।

जिल्ला शिक्षा कार्यलय, हुम्लाले पाठ्यपुस्तक ढुवानीको लागि ३ जना एजेन्टमार्फत कामकारबाही अगाडि बढाए एता पनि हाल सिमिकोट र नाम्खा गाउँपालिकाको लागि मात्र रोकाया पुस्तकले पाठ्यपुस्तकको विक्रि वितरण गरिरहेको छ । जिल्लाको दक्षिणी भागको अदानचली, ताँजाकोट, सर्केगाड, चंखेलीका विद्यार्थीको लाििग सोही ठाउँबाट पाठ्यपुस्तक उपलब्ध गराउनको लागि स्थानिय पुस्तक एजेण्ट मानदेव शाही र लोकेन्द्र रावतलाई जिम्मा दिएको भएता पनि पुस्तक ढुवानी नगरेको भन्दै त्यहाँका स्थानीहरुले आरोप लगाएका छन् ।

उच्च हिमाली भेगमा हिउँको कारण दक्षिणी भेगेको कर्णालीको तिरै तिर हिँडेर पुस्तक किन्नको लागि ६ दिन लागेको मदानादेव माविका कक्षा ८ मा अध्ययनरत सविता बुढाले बताए । ‘मने लेकमा हिउँ छ, चिसोमा लेक लाग्ने जोखिम हुन्छ, चिप्लने डर पनि उत्तिकै छ, किताव किन्नकै लागि ज्यान जोखिममा राखेर साथीहरुसँग सिमिकोट आए,’ उनले भने । त्यस्तै गरी कोट मावि रोडिकोटका रामबहादुर रोकायले आफुहरुले ३ घण्टाको दुरीमा रहेको सर्केगाडबाट किताब किन्न पाउने शिक्षा कार्यलयले व्यवस्था गरेको भएता पनि हाल ४ दिनको बाटो लगाएर किताब किन्न आएको बताउनु भयो । सरकारले किताव ल्याउनको लागि स्थानीय व्यापारीलाई जिम्मा दिएको थाहा पाएका थियौं । फागुन ३ गतेबाट विद्यालय खुलिसक्यो, पढाई छुट्ला कि भनेर ४ दिनको पेदल हिँडेर सिमिकोट किताव किन्न आयौँ,’ उनले भने ।

किताव बेच्ने जिम्मा पाएका एजेण्ट मध्ये हाल सिमिकोटमा रहेको रोकाया पुस्तक पसलले मात्र पुस्तक जिल्लामा ढुवानी गरेको छ । सिमिकोट, खार्पुनाथ र नाम्खा गाउँपालिकाको विद्यालयको लागि मात्र आफूले जिम्मा पाएको भएता पनि जिल्ला भरीका विद्यार्थीको लागि किताब बेच्नु परेको रोकाया पुस्तक पसलका सञ्चालक धनजवा रोकायाले बताउनु भयो।