आफ्नै दाजुमाथि बहिनीले लगाइन् बलात्कारको आरोप, प्रहरीले गर्यो मुद्दा दर्ता

समाचार

गुल्मी १४ चैत । आफ्नै दाईले बहिनीलाई बलात्कार गरेको आरोपको घटना बाहिर आएको छ ।

जिल्ला प्रहरी कार्यालय गुल्मीमा बुधवार आफ्नै दाजुबाट वलात्कृत भएको भन्दै एक किशोरीले मुद्धा दायर गरेकी छन् ।

घटना चैत्र १२ गते दिउँसो ३ वजेर १५ मिनेटको घटेको थियो । गुल्मीकै धुर्कोट गाउँपालिका–५ स्थित घरमै बसेकी १६ बर्षीय बहिनीमाथि अत्याचार भएको बताइएको छ ।

दाजुको उमेर २८ बर्ष रहेको छ । बलत्कार गरेको व्यक्तिको नाम सार्वजनिक गरिएको छैन् । पीडितले चैत्र १२ गते अगाडि पनि गलत मनसाय राख्ने गरेको बताएकी छिन् ।

आरोपीलाई प्रहरीले पक्राउ गरेको छ । अदालतबाट म्याद थप गरी अनुसन्धान कार्य अगाडि बढाईएको जिल्ला प्रहरी कार्यालयका प्रवत्ता प्रहरी निरीक्षक डाक्टर प्रसाद चौधरीले बताएको छ ।

तम्घासको एक वोर्डिङ्गको कक्षा ९ मा पढ्ने उनी केहि दिन अघि विरामी परेर घरमा गएकी थिईन् । जिल्ला अस्पतालका डा. सुरेन्द रायमाझीले जानकारी दिए अनुसार किशोरी दुई पटक बेहोस भएको र उनको शरिरमा दातले टोकोको चोट देखिएको थियो ।

बलात्कार भए नभएको थप जाँचका लागि काठमाडौं पठाएको उनले बताउनु भयो । अस्पतालमा उनको प्रारम्भिक जाँच गरिएको थियो ।