सन्दीपको क्रिकेटमा छलाङ, क्यानेडियन लिगमा छनौट

खेलकुद

काठमाडौँ २१, जेष्ठ । सन्दीप लामिछाने, नेपाली क्रिकेटमा उनको छवी उच्च त छ नै अहिले उनको विश्व बजारमा समेत उत्तिकै चर्चा छ ।

भर्खरै आइपीएलसँगै विश्व-११ बाट खेलेका नेपाली स्पिनर लामिछानेको सफलताका बारेमा धेरै कुरा भन्नै पर्दैन ।

उनले अब क्यानडाको ग्लोबल टी-२० क्रिकेट लिगबाट खेल्न पाउने भएका हुन्। लिगको मोन्ट्रेल टाइगर्स टोलीले सन्दीपलाई छैटौँ चरणमा खरिद गरेको प्रगियोगिताको अफिसियल ट्वीट मार्फत जानकारी गराइएको छ।

पहिलो संस्करण आयोजना हुन लागेको प्रतियोगिता जुन २८ देखि जुलार्इ १५ तारिख सम्म चल्नेछ।

ड्राफ्टका लागि १६ सय खेलाडीहरुले नाम दर्ता गराएको थिए। ती मध्येबाट नेपालका सन्दीप, श्रीलंकाका लसिथ मलिंगा, तिसरा परेरा, वेष्ट इन्डिजका सुनिल नारायण, पाकिस्तानका मोहम्मद हफिज, जिम्बावेका सिकन्दर राजा आदी उक्त टीममा छनौट भएका छन्।

उक्त खेल टोरन्टो स्थित माप्ले लिफ क्रिकेट क्लबको मैदानमा हुनेछ।

आइपीएलको ११औँ संस्करण खेलेका सन्दीपले आगामी अगस्टमा क्यारेवियन प्रिमियर लिग (सीपीएल) खेल्नेछन्। यसअघि उनी क्रिस गेलको टिम सेन्ट नेभिस एण्ड किट्समा अनुबन्ध भएका थिए।