अत्यान्तै प्रतिस्पर्धाकाे खेल : नाइजेरियालाई हराउँदै अर्जेन्टिना नकआउट चरणमा

समाचार

दोस्रो चरणको खेलमा क्रोएसियासँग पराजित भएको अर्जेन्टिनले मंगलबार सेन्ट पिटर्सवर्ग स्टेडियममा भएको समूह चरणको अन्तिम खेलमा नाइजेरियालाई २ ( १ ले हराउँदै समूह उपविजेता बन्दै विश्वकप फुटबलको नकआउट चरणमा प्रवेश गरेको छ

रसियामा जारी विश्वकप स्टेडियममा भएको समूह चरणको अन्तिम खेलमा नाइजेरियालाई २ ( १ ले हराउँदै अर्जेन्टिना समूह उपविजेता बन्दै विश्वकपको अन्तिम १६ मा पुगेको हो ।

अर्जेन्टिनालाई जिताउन ज्यान फालेर कप्तान लियोनल मेसी र मार्कोस रोजोले एक(एक गोल गरे भने नाइजेरियाका भिक्टर मोसेसले पेनाल्टीमार्फत गोल फर्काए । अत्यान्तै प्रतिस्पर्धाको खेलमा ८६ औं मिनेट भएपछि रोजोले गोल गर्दै अर्जेन्टिनालाई २(१ को जितसहित नकआउट चरणमा लगेका हुन्।

खेलको १४ औं मिनेटमा मेसीले गोल गर्दै अर्जेन्टिनालाई सुरुवाती अग्रता दिलाएका थिए। विश्वकपमा मेसीको यो पहिलो गोल हो। अर्जेन्टिनाका मस्चिरानोले नाइजेरियाका खेलाडीलाई फल गरेपछि पाएको पेनाल्टीमा मोसेसले सहजै गोल गर्दै १(१ को बराबरीमा ल्याएका थिए।

जितपछि समूह डी को अर्जेन्टिनाले ३ खेलबाट ४ अंक जोड्दै उपविजेताका रूपमा नकआउट चरण प्रवेश गरेको छ ।