निर्मला पन्त हत्याः सिन्धुलीका युवाहरूले गरे दवाब अभियानको शुरूवात

समाचार

- न्युज–नेपाल संवादादता

काठमाडौँ । निर्मला पन्तको बलत्कारिलाई तत्काल पक्राउ गरी कारबाहीको माग गर्दै नेपाल सरकारलाई सिन्धुली जिल्लाका युवाहरूले सदरमुकाममा दवाब अभियानको शुरूवात गरेका छन् । निर्मला बलात्कार तथा हत्या प्रकरणको झण्डै पाँच महिना बित्न लाग्दा पनि बलत्कारिलाई पक्राउ गर्न नसकेको भन्दै देशव्यापी आन्दोलन चलिरहेको बेलामा सिन्धुलीका युवाहरूले पनि सोमबार साँझदेखि दवाब अभियानको शुरूवात गरेका हुन् ।

सदरमुकाम सिन्धुलीमाढीमा रहेको लोकतान्त्रिक चौतारा, शान्तिनगर चोकको यात्रु प्रतिक्षालय, बजारमा चल्ने अधिकांश अट्टो र भित्ता तथा पोलहरूमा निर्मलाको तस्बिर भएको पम्पप्लेट ‘सरकार भेटियो, न्याय भेटिएन’ टाँसेका छन् । निर्मला स्वयम् बि विद्यार्थी भएको कारणले पनि आफूहरू पनि विद्यार्थी भएकाले यो अभियान सुचारू गरेको सहभागी युवाहरूले जानकारी दिए ।

अपराधी नसमातिनुले यो घटनालाई झनै रहस्यमय बनाउदै लगेको छ । कञ्चनपुरका मात्र हैन काठमाडौं लगायत देशभरका जनताल यस घटनाको यथार्थ लुकाइएको आरोप प्रहरी प्रशासन र सरकारलाई लगाएका छन । ‘दिन दुई गुण रात चौ गुण’का जस्तो यसले देश तथा विदेशमा चासो र चिन्ता जन्माएको छ । त्यसैको असर अब देशका अन्य जिल्लामा देखिन थालेका छन ।विद्यार्थी,वयस्क र वृद्ध हरु स्वयं स्वतस्फूर्त निर्मलाको निम्ति न्याय अभियानमा सहभागी भएका छन ।

यो प्रकरणमा सरकारले अपराधी पत्ता लगाएर अपराधीलाई कारवाही गरेर निर्मलालाई न्याय नदिए हामी सिन्धुली जिल्लाको हरेक स्थानीय तहमा आवाज लिएर पुग्ने र सबैलाई यो अभियानमा सरिक बनाउने अभियानमा संलग्न युवाहरूको भनाई छ ।