राज्यले नियतवश दमन गर्न खोज्यो,सुरक्षा निकायमाथि आक्रमण गर्ने पार्टीको नीति छैनः प्रकाण्ड (विज्ञप्तिसहित)

राजनीति

काठमाडौं । नेत्रविक्रम चन्द विप्लव नेतृत्वको नेकपाले सुरक्षाकर्मीमाथि आक्रमण गर्ने कुनै योजना नभएको स्पष्टिकरण दिएको छ।

सोलुखुम्बुबको छेस्काम प्रहरी चौकी कब्जा प्रयास भएको समाचार सार्वजनिक भएपछि विप्लवका प्रवक्ता खड्गबहादुर विश्वकर्मा (प्रकाण्ड)ले विज्ञप्ति निकाल्दै यस्तो स्पष्टिकरण दिएका हुन्।

‘ओली–प्रचण्ड सामाजिक दलाल सरकारले नेपाल कम्युनिष्ट पार्टीमाथि दमनको अनेक षड्यन्त्र र हत्या गरिरहेको छ’, प्रकाण्डले निकालेको विज्ञप्तिमा भनिएको छ, ‘सोलुखुम्बुमा चौकी आक्रमण गर्ने प्रयास भएको भन्ने नियोजित र षडयन्धपूर्ण प्रचारबाजीप्रति हाम्रो ध्यानाकर्षण भएको छ।’

नेकपा सोलुखुम्बुका स्थानीय नेताहरूले पनि अनावश्यक रूपमा वातावरण उत्तेजित बनाउनकालागि चौकी आक्रमणको हल्ला फैलाइएको बताएका छन् ।

नेपाल कम्युनिस्ट पार्टीले पहिलेदेखि नै आफ्नो पार्टीको सङ्घर्ष दलालर भ्रष्टाचारीहरूसँग भएको तर सुरक्षा निकायमा आक्रमण गर्ने कुनै योजना नरहेको बताउँदै आएको छ । यस्ता समाचारलाई आफ्नो पार्टी र सुरक्षा निकायबीचको दूरी बढाउने बनावटी प्रचारबाजी मात्र भएको पनि नेकपाले बताउँदै आएको छ ।