आज राष्ट्रियसभा निर्वाचन, कुन प्रदेशको मतदानस्थल कहाँ ?

गतिविधि

- न्युज-नेपाल

काठमाडौं । राष्ट्रियसभा निर्वाचन आज हुने भएको छ । बिहान १० बजेदेखि साँझ ४ बजेसम्माका लागि रिक्त रहेका १८ सिटका लागि राष्ट्रियसभा निर्वाचन हुने निर्वाचन आयोगले जनाएको छ ।

निर्वाचन आयोगले विभिन्न प्रदेशका लागि निर्वाचनस्थल समेत तोकेको छ । जसमा प्रदेश १ को विराटनगर महानगरपालिकाको वीरेन्द्र सभागृह, प्रदेश २ को जनकपुर उपमहानगरपालिकाको महेन्द्र नारायण स्मृति भवन, वाग्मती प्रदेशको ललितपुर महानगरपालिका वडा नमम्बर ४ स्थित वडासमिति कार्यालय, गण्डकी प्रदेरशका लागि पोखरा महानगरपालिकामा अवस्थित निर्वाचन कार्यालय प्रदेश ५ का मतदाताका लागि घोराहीस्थित कर्मचारी मिलन केन्द्रको भवन, कर्णाली प्रदेशका मतदाताका लागि जिल्ला निर्वाचन कार्यालय सुर्खेत र सुदूरपश्चिम प्रदेशका मतदाताका लागि दीपायलस्थित पद्य पब्लिक मुक्तिनारायण उच्च माविबाट मतदान गर्ने व्यवस्था मिलाइएको आयोगले जनाएको छ ।

५९ सदस्यीय राष्ट्रियसभाका एक तिहाइ अर्थात् १९ सांसद्को पदावधि यही फागुन २० मा समाप्त हुँदैछ । तीमध्ये राष्ट्रपतिबाट मनोनित एक जनाको पनि समयावधि सकिन लागेकाले आज १८ सिटका लागि चुनाव हुँदैछ । प्रदेशसभा सदस्य, नगरपालिका प्रमुख र उपप्रमुख तथा गाउँपालिकाका अध्यक्ष र उपाध्यक्ष राष्ट्रियसभा निर्वाचनका मतदाता हुन् । आयोगका अनुसार, कुल मतभार ५३ हजार ५ सय ८ रहेको छ ।

आयोगका अनुसार, निर्वाचनको केही घण्टामै मतपरिणाम सार्वजनिक हुनेछ ।