प्रधानमन्त्रीलाई गगनको पत्र : प्रधानमन्त्रीज्यू तपाईं कमान्डर हो, जनताको जीवनरक्षा गर्नुहोस्

काठमाडाैँ । काठमाडाैँ उपत्यका लगाएतका ठाँउमा कोरोनाको संक्रमणको दर तिब्र गतिमा बढीरहेको बेला नेपाली कांग्रेसका युवा नेता तथा प्रतिनिधि सभा सदस्य गगन थापाले प्रधानमन्त्री केपी शर्मा ओलीलाई  सात सुझाव दिएका छन ।

पछिल्लो समय कोरोना व्यापक रुपमा फैलिन थालेका भन्दै मंगलबार सामाजिक सञ्जाल फेसबुकमा प्रधानमनत्री केपी शर्मा ओलीलाई सम्बोधन गरेर एक पत्र लेख्दै नेता थापाले देशैभर एउटै निर्णय र एकैखाले रणनीतिले काम नगर्ने भन्दै छुट्टाछुट्टै रणनीति बनाउन आग्रह गरेका छन्।

उनले कोरोना तीव्र रुपमा फैलिइरहेका काठमाडौँ, वीरगन्ज लगायतका प्रमुख सहरमा स्वास्थ्य आपतकाल घोषणा गरेर प्रभावकारी कार्यान्वयनका लागि आवश्यक निर्णय र नियम निर्देशिका लगायतका संयन्त्र बनाउन आग्रह सेमत गरेका छन्।

‘संक्रमणको फैलावटलाई रोक्न र उपचारलाई सहज बनाउन तत्काल कम्तिमा दुई हप्ताको लागि काठमाडौँ लगायत संक्रमण बढ्दो गतिमा भएका ‘हटस्पट’ हरूमा ‘जनस्वास्थ्य आपतकाल’ घोषणा गर्नुहोस्’, थापाले लेखेका छन्, ‘जनस्वास्थ्य आपतकालको प्रभावकारी कार्यान्वयनको लागि आवश्यक निर्णय र नियम निर्देशिका लगायतका संयन्त्र वनाउनुपर्छ भने तत्काल बनाउनुहोस्।’

उनले आवागमनलाई पूर्ण रूपमा बन्द गर्न, अत्यावश्यक सेवा वाहेक सबै रोक्न र तोकिएका सीमानाका व्यवस्थित गरी अन्य सीमानाका बन्द गर्न समेत आग्रह गरेका छन्।

उनले अवको दुई हप्ता जोखिमको खतार अझै रहेको भन्दै सम्भावित जोखिमलाई अँकलन गरेर युद्धस्तरमा अस्पताल केन्द्रित लगायत सम्पूर्ण तयारी यसै समयमा गर्न आग्रह गरेका छन्।

‘यो दुई हप्ताको अवधिमा पहिलाको जस्तो जनतालाई घरमा राखेर सरकार बालुवाटारमा नसुतोस्। सम्भाव्य जोखिमको आकलन गरेर युद्धस्तरमा अस्पताल केन्द्रित लगायत सम्पूर्ण तयारी यसै समयमा गर्नुहोस्’, गगनले लेखेका छन्।

यस्ता छन् थापाका सुझाव

Comments