कोरोना संक्रमित ट्रम्प अस्पतालमै यसरी काम गर्छन्

राजनीति

- न्युज-नेपाल

काठमाडाैँ । कोरोना भाइरसबाट संक्रमित बनेका अमेरिकी राष्ट्रपति डोनाल्ड ट्रम्पले अस्पतालबाटै सरकारको काम गरिरहेको ह्वाइट हाउसले जनाएको छ।

अमेरिकी राष्ट्रपतिको कार्यालय ह्वाइट हाउसले तस्बिर सार्वजनिक गर्दै ट्रम्पले अस्पतालबाटै काम गरिरहेको जानकारी दिएको हो।

हालै कोरोना संक्रमित बनेका ट्रम्प र उनका श्रीमती फर्स्ट लेडी मलेनिया ट्रम्प यतिबेला म्यारील्यान्डको बिथेस्डास्थित रिड नेस्नल मिलिटेरी मेडिकल सेन्टरमा उपचाररत छन्।

ट्रम्पले हालै एक भिडियो सन्देशमा आफू स्वास्थ भएको र यतिबेला आफूले राम्रो महसुस गरिरहेको बताएका थिए।

जुन टेबलबाट ट्रम्पले भिडियो सन्देश दिएका थिए, उनले सोही स्थानमा बसेर काम गरिरहेको बताइएको छ।

आगामी नोभेम्बरमा अमेरिकामा राष्ट्रपतीय निर्वाचन हुँदैछ। ट्रम्पले डेमोक्रेटिक पार्टीका वरिष्ठ नेता जो बाइडेनसँग प्रतिस्पर्धा गर्दैछन्।

निर्वाचन अगाडि ट्रम्प कोरोनाबाट संक्रमित बनेका हुन्।