कांग्रेस केन्द्रीय सदस्यहरूमा देखिएन कोरोना, आज बैठक बस्दै

राजनीति

- न्युजनेपाल

काठमाडाैँ । नेपाली कांग्रेसको केन्द्रीय कार्यसमिति बैठक बुधबार दिउँसो बस्ने भएको छ।

यसअघि सोमबार बस्ने भनिएको बैठक केन्द्रीय सदस्यहरूको पिसिआर गर्ने भन्दै स्थगित गरिएको थियो।

एक सयभन्दा बढी केन्द्रीय सदस्यहरूको स्वाब संकलन गरेर परीक्षण गरिएकोमा नेताहरूमा कोरोना नदेखिएको कांग्रेसले जनाएको छ।

‘केन्द्रीय सदस्यहरूमा कसैलाई पनि कोरोना पोजेटिभ देखिएन,’ पार्टी कार्यालयका सचिव प्रेम केसीले भने, ‘नेताका सुरक्षामा खटिएका केहीलाई पोजेटिभ देखिएको छ।’

केसीका अनुसार आज दिउँसो २ बजे केन्द्रीय कार्यालय सानेपामा केन्द्रीय समिति बैठक बस्ने तयारी छ।

१४ औं महाधिवेशन, समसामयिक राजनीतिक घटनाक्रम, क्रियाशील सदस्यतालगायत विषयमा आज केन्द्रीय समितिमा छलफल हुने नेताहरूले बताएका छन्।

यसअघि सभापति शेरबहादुर देउवाको निवासमा बसेको पदाधिकारी बैठकले संख्या पुगेपछि मात्रै प्रधानमन्त्री केपी शर्मा ओलीविरूद्ध अविश्वास प्रस्ताव ल्याउने निर्णय गरेको थियो।

जसपाले निर्णय नगरेकोले अविश्वास प्रस्तावमा अहिले नै अगाडि बढ्न नसकिएको कांग्रेसको भनाइ छ। कांग्रेसले प्रधानमन्त्रीबाट ओलीको राजीनामा माग गर्ने र आफ्नै नेतृत्वमा सरकार बनाउने निर्णय गरेको थियो।

Comments

प्रकाशित मिति : 2021-04-28

कांग्रेस केन्द्रीय सदस्यहरूमा देखिएन कोरोना, आज बैठक बस्दै

Comments

अरु समाचार