प्रधानमन्त्री ओली आइशोलेशनमा हुनुहुन्न : सचिवालय

राजनीति

- न्युज नेपाल

काठमाडौं । केही सञ्चारमाध्यमले प्रधानमन्त्री केपी ओलीलाई कोरोना संक्रमणको आशंकामा आइसोलेसनमा बसेको भनेर समाचार सम्प्रेषण गरेपछि प्रधानमन्त्रीकाे सचिवालयले खण्डन गरेकाे छ।

प्रधानमन्त्रीका प्रेस सल्लाहकार सूर्य थापाले यो विषयलाई खण्डन गर्दै मिडियाले भ्रम प्रचार गरेको भन्दै उनले प्रधानमन्त्रीविरुद्ध नियोजित गरिएको बताएका छन्।

मिडियाकाे भ्रम प्रचार –
कतिपय सञ्चारमाध्यमले नियाेजित रूपमा प्रधानमन्त्री आइसाेलेसनमा भनी तथ्यहीन सम्प्रेषण गरेर भ्रम फैलाउनु खेदजनक छ। भेरिफाई नै नगरी यस्ताे दुष्प्रचारमा संलग्न नहुन सम्बन्धित सबैकाे ध्यानाकर्षण गर्न चाहन्छु। मिडियाकाे आवरणमा यसरी गलत कार्य गर्नु सर्वथा गलत हाे।

— Surya Thapa (@ThapajiSurya) April 29, 2021

त्यस्तै प्रधानमन्त्रीका प्रमुख स्वकीय सचिव इन्द्र भण्डारीले पनि प्रधानमन्त्रीसँग केही मन्त्रीहरुले छलफल गरेको फोटो सार्वजनिक गर्दै त्यस्तो समाचार भ्रमपूर्ण भएको बताएका हुन्।