‘प्रधानमन्त्रीज्यू अब त अहंकार र अकर्मण्यताको धरहराबाट ‌ओर्लनुस्’

राजनीति

- न्युज नेपाल

काठमाडाैँ । नेपाली कांग्रेसका नेता गगन थापाले प्रधानमन्त्री केपी शर्मा ओलीलाई ‘अहंकार र अकर्मण्यताको धरहराबाट’ ओर्लन आग्रह गरेका छन् ।

कोरोनाको महामारी नियन्त्रणका लागि साथ दिन आफूहरू तयार रहेको भए पनि प्रधानमन्त्री ओली अहंकार र अकर्मण्यताको धरहरामा रहेको उनले बताए ।

शनिबार ट्विट् गर्दै थापाले कोरोनाको यो भयावह अवस्था सरकार एक्लैले सामना गर्न नसक्ने बताउँदै सबै पक्ष र आम नागरिक सचेत, सतर्क र जिम्मेवार बन्नुपर्ने उल्लेख गरेका छन् ।

कोरोना संक्रमणको जुन भयावह अवस्थामा हामी छौँ,निश्चय नै सरकार एक्लैले यसको सामना गर्न सक्दैन।सबै पक्ष र आम नागरिक सचेत,सतर्क र जिम्मेवार बन्नैपर्छ।तर @PM_Nepalज्यू यो लडाइमा’हामी सक्दैनौँ´भनेर मन्त्रालयले हात उठाउने अनि तपाईँको प्राथमिकतामा अझै पनि महामारी नपर्ने!आपत्तिजनक छ!(१/२)

— Gagan Thapa (@thapagk) May 1, 2021

तर, महामारीमा सरकारले हामी सक्दैनौँ भनेर हात उठाउने र प्रधानमन्त्रीको प्राथमिकतामा अझै पनि महामारी नपर्ने आपत्तीजनक अवस्था रहेको उनले बताए ।

‘कठिन भए पनि उपलब्ध स्रोत, साधन र जनशक्तिको सदुपयोग गरी क्षति न्यूनीकरण गर्न सकिने ठाउँ छ,’ थापाले लेखेका छन्, ‘त्यसका लागि उपाय जानेकाहरूको कुरा सुन्न र आवश्यक निर्णय लिन सरकार तयार हुनुपर्छ ।’

थापाले अगाडि लेखेका छन्, ‘हामी साथ दिन तयार छौँ, कृपया अब त अहंकार र अकर्मण्यताको धरहराबाट ओर्लनुस ।’

कठिन छ,तर अझै हामीसंग उपलब्ध स्रोत,साधन,जनशक्तिको सदुपयोग गरेर क्षति न्यूनीकरण गर्न सकिने ठाउँ छ।त्यसका लागि उपाय जानेकाहरुको कुरा सुन्न र आवश्यक निर्णय लिन सरकार तयार हुनुपर्छ। @PM_Nepal ज्यू,हामी साथ दिन तयार छौँ,कृपया अब त अहंकार र अकर्मण्यता को धरहराबाट ओर्लनुस।(२/२)

— Gagan Thapa (@thapagk) May 1, 2021