दोलखा कांग्रेसको क्षेत्रीय प्रदेश सचिवमा युवा नेता शेर्पाको उमेद्वारी

राजनीति

- न्युज नेपाल

दोलखा । नेपाली कांग्रेसको १४ औं महाधिवेशन नजिकिँदै गर्दा दोलखा जिल्ला क्षेत्रीय प्रदेश `क´ सचिवमा लोकप्रिय युवा नेता नोर्बु शेर्पा मैदानमा उत्रिएका छन् ।
नेपाली कांग्रेस दोलखा लोकप्रिय युवा नेता नोर्बु शेर्पाले आसन्न १४ आैँ महाधिवेशनमा दोलखा जिल्ला प्रदेश क क्षेत्रीय सचिवमा उमेदवारी दिएका हुन ।
लामो राजनीतिक यात्रामा दोलखा पार्टी संगठनमा राम्रो प्रभाव छोड्न सफल युवा नेता शेर्पा भद्र र शालिन स्वभावका नेता हुन ।
पार्टी संगठन भित्रको चुरो बुझेका युवा नेता शेर्पा नेपाल लेखापढि कानुन व्यवसायी संघको महाधिबेशन प्रतिनिधि समेत हुन ।
सानै उमेरदेखी राजनिति सक्रिय शेर्पा नेपाल विद्यार्थी संघ हुदै तरुण दलमा समेत आवद्ध रहेर काम गरेको लामो अनुभव बटुलेका छन ।
नेता शेर्पा अधिवक्ताको समेत तयारी गरिरहेका छन ।
शेर्पाले न्युज नेपालसंग भनेः सचिव भएर जिल्ला पार्टी संगठनलाई एक ठाँउमा उभ्याएर स्थानीय तह, प्रदेश र संघको चुनाव कांग्रेसको पोल्टामा पार्ने छु र पार्टीलाई विधि पद्धतिमा ढाल्नु मेरो पहिलो प्राथमिकता रहने छ ।

शेर्पाले आफूलाई मतदान गरी विजय गराउन सम्पुर्ण प्रतिनिधिलाई आह्वान समेत गरे ।