ताजा समाचार

प्रचण्डको प्रस्ताव- एमसीसीमाथिका फरक मतमा चुनावपछि निर्णय गरौँ

राजनीति
- न्युज नेपाल
       

काठमाडाैं । नेकपा माओवादी केन्द्रका अध्यक्ष पुष्पकमल दाहाल प्रचण्डले एमसीसीमाथि पार्टीमा रहेका फरक मतमा निर्वाचनपछि निर्णय गर्ने प्रस्ताव गरेका छन् ।

राजधानीमा जारी केन्द्रीय समिति बैठकमा अध्यक्ष प्रचण्डले एमसीसीको विषयमा नेताहरुले राखेका फरक मतमाथि निर्वाचनपछि निर्णय गर्ने प्रस्ताव गरेका हुन् ।

बैठकमा वरिष्ठ नेता नारायणकाजी श्रेष्ठ लगायतले एमसीसी व्याख्यात्मक घोषणासहित पारित गर्ने निर्णयको विपक्षमा आफ्नो धारणा राख्दै आएका छन् ।

यस्तै माओवादीले ९७ जना केन्द्रीय सदस्य थप गर्ने तयारी गरेको छ । विधान अनुसार १५ प्रतिशत मनोनीत हुनेछन् । माओवादीको ३४४ जना सदस्य रहेको केन्द्रीय समिति रहने व्यवस्था रहेको छ ।

यस्तै बैठकले निर्वाचनका लागि नेताहरुको कार्यविभाजन गर्ने तयारी पनि गरेको छ ।

Comments

प्रकाशित मिति : 2022-03-07

अरु समाचार

© NewsNepal 2018 - All Right Reserved.
newsnepal.com 2017.hlon.org