जब प्रचण्डको अगाडी जनार्दनले गरे उपमहासचिव पद अस्विकार…

गतिविधि

- न्युज नेपाल

काठमाडौं । नेकपा माओवादी केन्द्रका नेता दनार्दन शर्माले उपमहासचिव पद अस्वीकार गरेका छन् ।

पार्टी अध्यक्ष प्रचण्डको अगाडी नै शर्माले उपमहासचिव पद अस्विकार गरेका हुन् । बुधबार अनेरास्ववियू क्रान्तिकारीको क्रान्तिकारी फोर्स घोषणा कार्यक्रममा शर्माले आफू उपमहासचिवका रुपमा नभई संगठन विभाग प्रमुखको हैसियतमा उपस्थित भएको बताएर उनले पद अस्विकार गरेको प्रष्ट संकेत गरेका हुन् ।

शर्मा, महासचिवका दावेदार थिए । तर ४ भदौमा देव गुरुङ महासचिव बनाउँदै अध्यक्ष पुष्पकमल दाहाल प्रचण्डले शर्मालाई उपमहासचिव बनाए । माओवादीले गिरिराजमणि पोखरेल, वर्षमान पुन, हरिबोल गजुरेल पम्फा भुसाल, जनार्दन शर्मा, शक्ति बस्नेत र मात्रिका यादव उपमहासचिव तोकेको थियो । त्यो निर्णयमा शर्माले फरक मत राखेका थिए ।

यस्तै, प्रचण्डले जवाफमा आफूले जनार्दनलाई हुर्काएको बढाएको जनाएका हुन् ।

जनार्दनको कुरा बुझेका प्रचण्डले जवाफमा भने, ‘जनार्दनजीले जाँदा जाँदै नीति र नेतृत्व रक्षाको कुरा भन्नुभयो, म तपाईँहरूलाई के भन्न चाहन्छु भने जनार्दनलाई रक्षा गर्न र हुर्काउन पनि प्रचण्डको मुख्य भूमिका हो । उनको रक्षा गर्ने र विकास गर्ने कुरामा पनि मेरो भूमिका छ। म त जनयुद्धदेखि अहिलेसम्म नेतृत्वमा छु । मेरो लागि धेरै चीज भएकै छ। अब म लाखौं उत्तराधिकारी तयार पार्न चाहन्छु।’