पेरुको इतिहासमा पहिलो महिला राष्ट्रपतिको अभ्यास

विश्व प्रवास

काठमाडौं । पेरुमा पहिलो पटक महिला राष्ट्रपति नियुक्त गरिएकी छन् । नयाँ राष्ट्रपतिका रुपमा डिना बोलुआर्ते नियुक्त भएकी हुनु। यसअघि उनी उपराष्ट्रपति थिइनु । डिना भूतपूर्व राष्ट्रपति पेड्रो क्यास्टिलो महाअभियोग लागेर पदमुक्त भएको केही घण्टामै राष्ट्रपति चुनिएको अन्तर्राष्ट्रिय सञ्चारमाध्यमहरुले उल्लेख गरेका छन् ।

भूपू राष्ट्रपति पेड्रोले संसद भंग गर्न लागेको सूचना बाहिरिएसँगै पेरुमा आपतकालीन संसद बैठक बोलाइ पेड्रोलाई महाअभियोगसँगै पदमुक्त गरिएको थियो । हाल पेड्रो हिरासतमा छन् । डिना आगामी २०२६ सम्म पेरुको राष्ट्रपति रहने छिन् ।

पेरुमा नाटकिय रुपमा राजनैतिक घटनाक्रमको विकास भएको जनाइएको छ । पेड्रोले बुधवार राष्ट्रपतिबाट पदमुक्त हुनुअघि राष्ट्रिय टेलिभिजन मार्फत संकटकाल लागू गर्ने र संसद भंग गर्ने घोषणा गरेका थिए ।

संकटकाल लागू गर्ने घाेषणा गरेपछि पेड्रोको आलोचना गर्दै धेरै मन्त्रीहरुले राजीनामा दिएका थिए । संकटकाल लागू गर्ने घाेषणापछि यहाँको सरकारले संसदको विशेष अधिवेशन बोलाएर महाअभियोगको पक्ष–विपक्षमा मतदान गराएको थियो । मतदानमा महाअभियोगको पक्षमा १०१ र विपक्षमा ६ जना सांसद उभिएका थिए । १० सांसदहरु भने मतदानमा सहभागी भएका थिएनन् ।