निजामती अस्पताल र आन्दोलनरत पक्षबीच ६ बुँदे सहमति

राजनीति

- न्यूज नेपाल

काठमाडौं । निजामती कर्मचारी अस्पताल र आन्दोलनरत चिकित्सक-कर्मचारीबीच छ बुँदे सहमति भएको छ । सहमतिपछि चिकित्सक र कर्मचारीले गर्दै आएको अन्दोलनका कार्यक्रम सबै फिर्ता भएको छ । अस्पताल प्रशासनमा लगाइएको ताला र चिकित्सक-कर्मचारीले गर्दै आएको अनशन पनि तोडिएको छ ।

अस्पतालका उपसचिव कृष्णप्रसाद सापकोटाका अनुसार निजामती कर्मचारी अस्पताल (कर्मचारीको सेवाका सर्त र सुविधा) विनियमावली र निजामती कर्मचारी अस्पतालको सङ्गठन तथा व्यवस्थापन सर्वेक्षणमा आवश्यक संशोधन तथा परिमार्जन चिकित्सक, कर्मचारी र कर्मचारी युनियनको प्रतिनिधित्वमा एक महिनाभित्र पेस गर्ने, अस्पतालको समग्र गुणस्तर सुधारका लागि सबै पक्षको सहभागी गराउने, ज्यालादारीमा कार्यरत कर्मचारीको सम्बन्धमा कार्यरत कर्मचारीलाई प्राथमिकतामा राखी स्वीकृत करार कार्यविधि, २०७८ अनुसार स्वीकृत दरबन्दीमा पदपूर्ति प्रक्रिया अगाडि बढाउनेलगायतका सहमति भएको छ ।